«Ўзбекистон темир йўллари» АЖдан маълум қилишларича, Тошкент Жанубий вокзали ўз ишини жорий йилнинг 4 апрелидан бошлади.

Жанубий вокзал замонавий архитектура талаблари асосида тубдан реконструкция қилинди. Вокзалнинг умумий майдони 9,2 гектар бўлиб, 650 метрлик 3 та перронга эга. Бир вақтнинг ўзида 500 йўловчига хизмат кўрсата олади. Йўловчиларнинг йўл ҳужжати, паспорти, багажи ва қўл юклари вокзал ҳудудига кириш жойининг ўзида текширилади.

Бинода йўловчилар учун жаҳон стандартларига мос шароитлар яратилган: кутиш, VIP заллари, она ва бола хонаси, тиббиёт пункти, меҳмонхона, дам олиш хоналари, буфет, савдо нуқталари, газета ва журналлар, WiFi интернет хизмати, электрон кутубхона, ширинликлар ва миллий совғалар сотиш шохобчаси каби қатор қулайликлар йўловчилар ихтиёрида. Чиптахоналар ҳам вокзал ҳудудида жойлашган.