Куни кеча яна бир хушхабар эшитдик. Халқаро тоифадаги спорт устаси
Надия Дусанова баландликка сакраш секторида Ватанимиз шарафини ҳимоя қилиб, «Рио — 2016» Олимпиа ўйинларида қатнашиш учун йўлланмани қўлга киритди. Ҳа, бугун нуфузли мусобақа — Олимпиадага йўлланма олган Надия сингари спортчиларимиз сони саксон нафарга етди!
Ҳар бир халқ, ҳар бир миллатнинг эртанги куни бугун вояга етаётган авлод тақдири билан узвий боғлиқ. Ривожланган давлатлар қаторидан муносиб ўрин эгаллашни мақсад қилган мустақил мамлакатимиз учун ўз фикри, дунёқараши, фаол фуқаролик позициясига эга, замонавий билим ва ахборот технологияларидан тўлиқ хабардор, хорижлик ҳамфикрига муносабатини эркин билдира оладиган ёшларни тарбиялаш энг устувор масалалардан бири сифатида белгиланган эди. Бугунги кун талабини ҳис этиб, мамлакатимиз истиқболини кўзлаб, тараққиёт билан ҳамнафас қадам ташлаш қисқа вақт ичида ўзининг юксак самараларини бера бошлади. Буларнинг барчаси Президентимиз таъкидлаган «Фарзандларимиз биздан кўра кучли, билимли, доно ва албатта, бахтли бўлишлари шарт!» деган эзгу мақсаднинг ҳаётий ифодасидир.
Айниқса, спорт соҳасидаги ютуқлар юртимиз довруғини дунёга танитгани рост. Ўнлаб спортчиларимиз жаҳоннинг энг юқори шоҳсупаларини забт этиб, давлатимиз байроғини баланд кўтараётгани, уларнинг шарафига мадҳиямиз янграётгани, ҳар бир спортчи учун ҳам, халқимиз учун ҳам чексиз фахр ва ифтихор намунасидир.
Мамлакатимизда таълим тизимини ривожлантириш, хусусан, жаҳон ареналарида юртимиз шарафини муносиб ҳимоя қила оладиган спортчи кадрлар тайёрлашга давлат сиёсати даражасида эътибор қаратилмоқда. Ўғил-қизларимизнинг жаҳон андозаларига мос шароитларда билим олишини, жисмоний ва маънавий жиҳатдан етук инсонлар бўлиб улғайишини таъминлаш, қобилият ҳамда иқтидорини, интеллектуал салоҳиятини юзага чиқариш борасида кенг кўламли ишлар амалга ошириляпти.
Ўзбекистонда малакали ва иқтидорли спортчиларни тайёрлаш мактабининг илмий ва амалий салоҳияти кўтарилди. Ҳозирда бокс, кураш, дзюдо, эшкак эшиш, футбол каби спорт турлари бўйича мамлакат спортчиларининг малакали мураббийлар бошчилигида залворли ютуқларни қўлга киритаётгани кўпчиликка маълум. Шунингдек, спортнинг бошқа турларини (волейбол, баскетбол, сув спорти) ривожлантириш, малакали педагог ва мураббийларни тайёрлаш имконияти янада кенгайтириляпти.
Кенг кўламда тарғибот-ташвиқот ишлари юритилиб, аҳолининг барча қатламлари соғлом турмуш тарзига жалб қилинмоқда. Ушбу тизимни янада такомиллаштиришга оид чора-тадбирларнинг ҳаётга татбиқ этилиши келажак авлоднинг ҳеч кимдан кам бўлмай вояга етишига, илғор фан ва техника ютуқлари ҳамда илмий лойиҳалар дунёда эътироф этилишига замин яратади.
Носир ҒАФФОРОВ,
Ўзбекистон давлат жисмоний тарбия институти талабаси
Оила ва никоҳ – муқаддас қадрият
🕔16:36, 02.05.2024
✔26
Оила жамиятнинг асосий бўғини сифатида қадрланади. Оила қанчалик мустаҳкам бўлса, жамият шу қадар фаровон ва барқарор ривожланади. Бу борада халқ депутатлари Кўкдала туман Кенгашига Ўзбекистон Экологик партиясидан сайланган депутат, тумандаги «Олтин бошоқ» маҳалласи хотин-қизлар фаоли Дилноза Эшмаматованинг олиб бораётган ишлари таҳсинга лойиқ.
Батафсил
Еттинчи синфда унаштирув
🕔15:57, 08.01.2024
✔122
ёхуд эски «сценарий» мутасаддиларга нега ҳамон манзур бўлмоқда?
Батафсил
Оилада мaънaвий-axлoқий иқлим мўътaдиллиги
🕔17:36, 23.11.2023
✔200
Уни барқарорлаштиришда нималарга эътибор қаратиш зарур?
Батафсил