Ўзбекистон жаҳон чемпионатига нега чиқа олмагани ойдинлашмоқда
Ўзбекистон Футбол федерацияси Ижроия Қўмитасининг 2018 йил 15 январдаги қарорига мувофиқ, Ўзбекистон миллий терма жамоасининг собиқ бош мураббийи Самвел Бабаян футболга алоқадор ҳар қандай фаолият билан шуғулланишдан умрбод четлаштирилди. Бу ҳақда федерация сайтида маълум қилинди.
Айтилишича, Самвел Бабаян «Пахтакор» футбол клубида фаолият олиб борган вақтида футболчиларнинг шартномаси билан боғлиқ ҳужжатларга ноқонуний ўзгартишлар киритган. У жамоага янги раҳбарият келаётганидан хабар топгач, клуб билан битими 2018 йил сўнгига қадар бўлган футболчилар шартномасини 2017 йил қилиб ўзгартирган. Бундан кўзланган асосий мақсад — йил сўнгида эркин агентга айланадиган футболчиларни хорижий клубларга сотиб, моддий манфаат кўриш бўлган.
Мана шу манфаат илинжида у мамлакатнинг бош жамоасини ҳам кўнгилдагидек бошқара олмади ҳамда футболчиларга бўлган нохолис муносабати сабаб, терма муҳитига салбий таъсир кўрсатди. Самвел Бабаян термага номзодларни саралаб олишда, асосан, ўзига маъқул футболчилар билангина ишлаган, барча клубларга тенг муносабатда бўлмади. Шунингдек, тажрибали мураббий ва мутахассисларнинг фикру тавсияларини инобатга олмаган.
ЎФФ Ижроқўми Самвел Бабаяннинг 2018 йилги жаҳон чемпионатининг саралаш ўйинлари давомида тартиб-интизомни йўлга қўймагани, футболчиларнинг жисмоний ҳолатини назорат қилмагани ва уларни ўз ҳолига ташлаб қўйгани, ишига масъулиятсизларча ёндашиб, ўзбек футболининг юзи бўлган миллий жамоа даражасини тушириб юборганини ҳам инобатга олиб, унинг бу каби нохолис фаолияти миллионлар ўйини бўлган футболга нисбатан халқнинг норозилигига сабаб бўлди, деб ҳисоблайди.
Маълум бир футболчиларни хориж клубларига сотиш ва моддий манфаат кўриш мақсадида, гарчи уларнинг савияси талабга жавоб бермаса ҳам, доимий равишда муҳим ўйинларда миллий терма жамоанинг асосий таркибида майдонга туширишни оқлаш қийин.
Бундан буён Ўзбекистон футболидаги ҳар бир мураббий ўзига юклатилган вазифаларни бажаришда масъулиятни чуқур англаган ҳолда, фаолият юритадиган жамоаларида тартиб-интизомни йўлга қўйиб, футболчиларнинг ҳолатини назорат қилиб бориши ва натижа учун жавобгарликни ҳис этиши талаб қилинади. Футбол соҳасидаги ҳар бир мураббий ва мутахассис фаолияти ЎФФ томонидан асосли тарзда ўрганиб чиқилади ва тегишли чоралар кўриб борилади.
P.S. Демак, миллионлаб ҳамюртларимизнинг азалий орзуси барбод бўлгани — Ўзбекистон миллий терма жамоасининг жаҳон чемпионатига чиқа олмагани шунчаки футболни яхши ўйнолмаганимиз ёки омадсизлик эмас. Бунга етарлича сабаблар бор. Мана, улар ойдинлашмоқда...
Фойдасини дақиқалар белгилайди
🕔12:52, 25.03.2019
✔10713
Сузиш инсонга нима беради? Савол жуда оддий, албатта. Жавобини ҳамма билади: мустаҳкам соғлиқ, спортдаги соврин номи билан айтсак, «олтин» саломатлик. Лекин бу машғулот билан шуғулланиш жараёнида айнан қанча вақтда қандай ўзгаришлар бўлишини биласизми?
Батафсил
Уч қаҳрамондан уч ғалаба
🕔16:05, 29.11.2018
✔10520
Ўтган якшанба тонгида ўзбекистонлик бокс мухлислари учун океан ортидан ажойиб хушхабар келди.
Батафсил
Вақтдан илгарилаган спортчи
🕔16:05, 29.11.2018
✔10898
Унинг лақаби «чақмоқ одам». У — ўн бир карра жаҳон, саккиз карра олимпия чемпиони бўлган ямайкалик собиқ енгил атлетикачи Усейн Болт.
Батафсил