Жума
24-Октябр 2025
Маълумки, 2018 йилдан бошлаб олий ўқув юртларига кириш имтиҳонлари бутунлай янгича тизимга ўтмоқда. Яъни, имтиҳонлар яхлит катта залларда, («Ўзэкспомарказ», Олимпия захиралари коллежлари ва ҳоказо) видеокузатув остида 1 августдан 15 августгача бўлиб ўтади. Натижалари эса тест ўтказилган куннинг эртаси куниёқ Давлат тест марказининг расмий веб-сайтида эълон қилинади.
Албатта, давлатимиз раҳбари ташаббуси билан жорий этилаётган ушбу янги тартиб абитуриентлар учун катта янгиликдир. Уларга қатор қулайликлар яратади, мушкулини осон қилиб, янги-янги умидлар беради. Энг муҳими, бу — олий таълим муассасасига ҳужжат топшираётган абитуриентнинг орзулари рўёби десак, муболаға бўлмайди.
Лекин янгича ёндашув амалга татбиқ этилаётгани билан аксарият абитуриентни битта савол ўйлантиради? Бундан буён адолатсизликка йўл қўйилмайдими? Мутасаддилар бунинг олдини олиш учун қандай чоралар кўрмоқда?
— Абитуриентлар сонининг йилдан-йилга ортиши ва имтиҳон бир кунда бўлгани учун тестлар турли тарқоқ биноларда ўтишига сабаб бўлган, — дейди Вазирлар Маҳкамаси ҳузуридаги Давлат тест маркази директори ўринбосари Қаҳрамон ҲАҚБЕРДИЕВ. — Бу эса уларнинг адолатли ўтишига халақит бериб келди. Энди марказимизда Коррупцияга қарши комиссия иш олиб бормоқда. Бундан ташқари, ходимларимизнинг штат бирлиги янгидан тузилди. Ўйлайманки, мазкур омиллар имтиҳон жараёнини ҳаққоний ва шаффоф ўтишини таъминлайди.
— Жорий йилги имтиҳон жавоблари эълон қилингандан сўнг, неча нафар абитуриент тест натижалари бўйича норози бўлиб, апелляция комиссиясига ариза берди? Уларнинг мурожаати нима билан якун топди?
— Тест синовлари натижаси маълум бўлгач, 4 минг нафар абитуриент апелляция комиссиясига ариза билан мурожаат этган. Барча аризачининг иши кўриб чиқилди. Таҳлиллар шуни кўрсатдики, аксарият абитуриент техник хатоларга йўл қўйган. Аммо ариза берган абитуриентлар марказга чақирилган кунда уларнинг деярли учдан бири суҳбатга келмаган.
Шу билан бирга, тузилган тест саволларида хатоликлар ҳам борлигини тан олиш керак. Ўрганишлар натижасида 2017 йилда апелляция комиссиясига ариза берганлардан 19 нафар абитуриент учун олийгоҳга ўқишга қабул қилиниши юзасидан тавсия берилди.
— Айрим тест саволлари жуда қийин, боз устига, чалкаш экани сир эмас. Уларни соддалаштиришга ҳам ҳаракат қилиняптими?
— Бизда тест тузишга ихтисослашган ходимлар йўқ. Бунга профессор-ўқитувчилар, соҳа мутахассислари жалб этилади. Лекин тестларни соддалаштириш ва аниқлигига, шу билан бирга, мантиқийлигига эътибор беришга алоҳида урғу берилмоқда. Тузилган тестларнинг самарадорлигини текшириш ва абитуриентларга таништириш учун улардан намуналар ДТМнинг расмий сайтига жойлаштириб бориляпти.
Рақамли иқтисодиёт трансформацияси шароитида «Сервис давлат» тизими давлат хизматларини кўрсатиш самарадорлигига қандай таъсир кўрсатаётгани, уларни нафақат қулай, балки экологик жиҳатдан ҳам тозароқ қилиш масаласи айниқса долзарбдир.
Батафсил
«Телевизорни пасайтир!», «Секинроқ гапир, бақирма!», «Шовқин солма!», «Деразани ёп, жудаям шовқин!..»
Батафсил
Мамлакатимизда аҳолининг автомобилдан фойдаланиши муттасил ўсаётгани яхши кўрсаткич албатта. Бироқ, бу ўз навбатида янги экологик ва иқтисодий муаммоларни вужудга келтирмоқда. Шулардан бири – автомобиль шиналари чиқиндиларини утилизация қилиш масаласидир.
Батафсил
Рақамли иқтисодиёт трансформацияси шароитида «Сервис давлат» тизими давлат хизматларини кўрсатиш самарадорлигига қандай таъсир кўрсатаётгани, уларни нафақат қулай, балки экологик жиҳатдан ҳам тозароқ қилиш масаласи айниқса долзарбдир.
«Телевизорни пасайтир!», «Секинроқ гапир, бақирма!», «Шовқин солма!», «Деразани ёп, жудаям шовқин!..»
Мамлакатимизда аҳолининг автомобилдан фойдаланиши муттасил ўсаётгани яхши кўрсаткич албатта. Бироқ, бу ўз навбатида янги экологик ва иқтисодий муаммоларни вужудга келтирмоқда. Шулардан бири – автомобиль шиналари чиқиндиларини утилизация қилиш масаласидир.
Бугун дунё аҳли табиий ресурслардан оқилона фойдаланиш экологик барқарорликнинг асоси эканини якдиллик билан эътироф этмоқда. Юртимизда бу борада янги ислоҳотлар жорий этилаётгани мамалакат равнақи учун долзарб қадам сифатида қараляпти.
Биз ўзимизни «болажон халқ» деб биламиз. Фарзандимизнинг кулгусидан олам чароғон бўлишига, унинг беғубор нигоҳидан қалбларимиз эришига ишонамиз. Ҳар бир болани «жигарбандим», «кўзимнинг оқу қораси» дея ардоқлаймиз. Аммо шу муқаддас туйғулар пардаси ортида аччиқ ва шафқатсиз ҳақиқат яшириниб ётганини тан олиш вақти келмадими?
