Жорий йилнинг икки ойи давомида Ўзбекистон Матбуот ва ахборот агентлиги Тошкент шаҳри ва Тошкент вилоятида 444 та матбаа корхонасида мониторинг ўтказиб, 37 тасининг гувоҳномасини бекор қилди. Бу ҳақда Миллий матбуот марказида «Контрафакт матбаа маҳсулотлари: аниқлаш, чора кўриш ва олдини олиш» мавзуида ўтказилган матбуот анжуманида маълум қилинди.

Айтилишича, бугунги кунда бозор расталарини ёки канцелярия дўконларида давлат стандартига тўғри келмайдиган, сифатсиз ҳамда контрафакт матбаа маҳсулотлари кўпайиб кетган. Бунга чек қўйиш мақсадида 2017 йил 4 октябрь куни Ўзбекистон Бош вазири томонидан «Ўзбекистон Республикаси ҳудудига контрафакт матбаа маҳсулотларини олиб кириш, ишлаб чиқариш, тарқатиш манбаларини аниқлаш, олдини олиш борасидаги 2017 йилга мўлжалланган қўшимча чора-тадбирлар режаси» тасдиқланиб, бу борадаги ишлар Ўзбекистон Матбуот ва ахборот агентлиги томонидан режали тарзда амалга оширилмоқда.