Ўтган ҳафтада республикамиз автомобиль йўлларида жами 223 йўл-транспорт ҳодисаси юз берди. Натижада, 216 нафар фуқаро турли даражада тан жароҳати олган.

Ўзбекистон Ички ишлар вазирлиги ЙҲХББ матбуот хизматининг хабар беришича, ҳафта давомида йўл-патруль хизмати инспекторлари 89 мингдан зиёд қоидабузарликни аниқлаган бўлиб, уларнинг 46 минг 124 таси қўпол қоидабузарлик сифатида қайд этилган.

Жумладан, 1 минг 783 ҳайдовчи транспорт воситасини маст ҳолда бошқаргани, 14 минг 373 нафари белгиланган тезлик талабини, 1 минг 584 ҳайдовчи светофор ва чорраҳалардан ўтиш қоидасини, 13 минг 739 нафари одам ташиш қоидасини бузгани, 1 минг 343 ҳайдовчи ҳаракат вақтида телефондан фойдалангани, 13 минг 42 ҳайдовчи хавфсизлик камарларини тақмасдан ҳаракатлангани учун тўхтатилган. Қоидани бузганларга нисбатан маъмурий баённомалар расмийлаштирилган.