Эндиликда Жанубий Кореяда ишлаганлар 2000 АҚШ долларгача бўлган қийматдаги суғурта пулларини олиб кетиши керак.

Ўзбекистон Ташқи меҳнат миграцияси масалалари агентлиги Комплекс тест марказининг очилиши олдидан ўтказилган матбуот анжуманида иштирок этган Корея Инсон ресурслари марказининг Ўзбекистондаги ваколатхонаси раҳбари Парк Сан Лу ўзбекистонлик меҳнат муҳожирларининг фаолиятига тўхталиб ўтиб, «суғурта депозити сифатида 200 АҚШ долларидан 2000 АҚШ долларигача бўлган маблағни қабул қилиб» олишга чақирди. Унинг айтишича, расмий Е-9 ишчи визаси билан Жанубий Кореяга жўнаб кетган ўзбекистонлик меҳнат муҳожирлари ўз муддатида ортга қайтгач, 2000 АҚШ долларигача бўлган қийматдаги суғурта пулини қабул қилиши сўралади. «Биз барча маблағ ва рўйхатни Ўзбекистон Ташқи меҳнат миграцияси масалалари агентлигига тақдим қилганмиз. Ишчилар тез орада ўзларига тегишли пулларни олиб кетишлари сўралади», — дейди у.