Пайшанба
16-Апрел 2026
Безгак — энг хавфли касалликлардан бири. Сайёрамиз аҳолиси ундан ҳанузгача азият чекмоқда. 2015 йилда тўқсондан ортиқ мамлакатда ушбу хасталик авж олган. 2016 йил якунлари бўйича эса дунё бўйича безгак билан касалланган 212 миллион бемор қайд этилган. Шулардан 429 минг нафари вафот этган. Шу боис безгакка қарши курашиш Жаҳон соғлиқни сақлаш ташкилоти (ЖССТ) зиммасидаги долзарб масала ҳисобланади.
Шундай экан, юртимизда вазият қандай? Аҳолининг хавотирга тушишига асос борми?
Соғлиқни сақлаш вазирлигида ушбу масалага бағишланган матбуот конференциясида бир қатор хорижлик мутахассислар, ЖССТ вакиллари иштирок этди. Маълумотларга кўра, мамлакатимизда сўнгги йилларда ушбу касаллик учрамаяпти. Буни конференция ишида сўзга чиққан ЖССТ безгак касаллигига қарши курашиш глобал дастури директори Педро Алонсо ҳам алоҳида таъкидлади.
Айтилишича, Ўзбекистоннинг бу борадаги ютуқлари мақтовга лойиқ. Мамлакатда санитария-эпидемиология тизими намунали йўлга қўйилган. Натижада охирги уч йилда юртимизда касаллик аломатлари қайд этилмаган. Шу боис айни пайтда ЖССТ Ўзбекистонга безгакдан ҳоли ҳудуд тўғрисидаги халқаро сертификатни топширишга тайёргарлик кўрмоқда.
— Ушбу сертификатни қўлга киритиш мамлакатимизнинг жаҳон майдонидаги нуфузини оширишда муҳим аҳамиятга эга, — дейди Ўзбекистон Соғлиқни сақлаш вазирлигининг санитария-эпидемиология назорат Бош бошқармаси бошлиғи вазифасини бажарувчи Нурмат ОТАБЕКОВ. — Негаки, безгакдан ҳоли ҳудудлар сайёҳлар, халқаро тижоратчилар, қўйингки, барчанинг диққатини ўзига жалб этади. Шу маънода, халқаро сертификатга эга бўлиш ўлкамизнинг туризм салоҳиятини оширишга, чет эллик ишбилармонларни юртимизга жалб этишга хизмат қилади. Қолаверса, турли соҳа мутахассислари билан самарали алмашинувни йўлга қўяди ҳамда сиёсий ва иқтисодий аҳамият касб этади. Энг муҳими, бундай ҳолат юртимизда эпидемиологик барқарорлик таъминланаётганининг халқаро эътирофидир.
Олий Мажлис Қонунчилик палатасининг навбатдаги мажлисида мамлакат хавфсизлиги ва фуқароларнинг ижтимоий ҳимоясини кучайтиришга қаратилган бир қатор муҳим қонун лойиҳалари кўриб чиқилди.
Батафсил
Давлатимиз раҳбари тадбирда нутқ сўзлар экан, халқимиз азал-азалдан Наврўз кунларида, оиласида фарзанд туғилганда томорқасига, майдон ва хиёбонларга, йўл четларига яхши ният билан кўчат қадаб, гул-у райҳонлар экканини таъкидлади.
Батафсил
Президент Шавкат Мирзиёев 23 март куни экология ва атроф-муҳитни муҳофаза қилиш соҳасида 2026-2030 йилларга мўлжалланган устувор умуммиллий лойиҳалар юзасидан тақдимот билан танишди.
Батафсил
Олий Мажлис Қонунчилик палатасининг навбатдаги мажлисида мамлакат хавфсизлиги ва фуқароларнинг ижтимоий ҳимоясини кучайтиришга қаратилган бир қатор муҳим қонун лойиҳалари кўриб чиқилди.
Давлатимиз раҳбари тадбирда нутқ сўзлар экан, халқимиз азал-азалдан Наврўз кунларида, оиласида фарзанд туғилганда томорқасига, майдон ва хиёбонларга, йўл четларига яхши ният билан кўчат қадаб, гул-у райҳонлар экканини таъкидлади.
Президент Шавкат Мирзиёев 23 март куни экология ва атроф-муҳитни муҳофаза қилиш соҳасида 2026-2030 йилларга мўлжалланган устувор умуммиллий лойиҳалар юзасидан тақдимот билан танишди.
Олий Мажлис Қонунчилик палатасининг навбатдаги мажлисида ҳуқуқбузарликларнинг олдини олиш ва уларга қарши курашиш самарадорлигини кенгайтириш, суд ҳокимияти органлари фаолиятини молиялаштириш, аҳолининг молиявий хатарлар ҳақида хабардорлигини ошириш, саноат хавфсизлиги тизимини мустаҳкамлаш ҳамда креатив иқтисодиётни ривожлантиришга доир қатор қонун лойиҳалари атрофлича кўриб чиқилди.
Олий Мажлис Қонунчилик палатаси Экология ва атроф-муҳитни муҳофаза қилиш масалалари қўмитаси ҳамда Ўзбекистон Экологик партияси фракциясининг «Атмосфера ҳавосини муҳофаза қилиш тўғрисида»ги Қонун ижро этилиши ҳолати Тошкент ва Навоий вилоятлари мисолида назорат-таҳлил тартибида ўрганиш якунларига бағишланган йиғилиши бўлиб ўтди.
