Тошкент вилояти ҳудудидаги 212 километрдан ортиқ ичимлик сув тармоғи тўлиқ жорий таъмирдан чиқарилди. Аҳолининг ичимлик сувга бўлган эҳтиёжини қондириш мақсадида жойлардаги 53 сув насоси кўрикдан ўтказилиб, носозлари қайта таъмирланди. Жорий йилнинг декабригача Янгийўл ва Қибрай туманларида ҳам сув қувурларини таъмирлаш ишлари режалаштирилган.

Вилоят «Сувоқова» ДУК директори Н.Аминовнинг ЎзА мухбирига айтишича, жорий йил бошида давлат бюджетидан ажратилган 8,2 миллиард сўм маблағ ҳисобидан вилоятдаги 8 маҳаллага 38 километрдан ортиқ сув қувури тортиш, 2 сув минораси қуриш, 4 ерости қудуғи қазиш ҳамда 4 сув чиқариш насоси ўрнатиш ишлари амалга оширилмоқда. 2018 йилда вилоятдаги энг чекка 32 қишлоқдаги 104,7 километр ичимлик сув қувурларини реконструкция қилиш, 11 трансформатор ўрнатиш, 17 янги сув минораси ва 39 сув чиқариш насосини қуриш режалаштирилган.