Жума
24-Октябр 2025
Ёғоч кесадиган арра, кир ювиш машинаси ёки автоуловнинг олд ойнасини тозалайдиган чўткани аёл киши яратганини билсангиз керак. Бугун мамлакатимизда ихтирочи аёлларни қўллаб-қувватлаш учун илк қадам ташланди.
Куни кеча Миллий матбуот марказида Ўзбекистон Хотин-қизлар қўмитаси ҳамда Ўзбекистон ихтирочи аёллари уюшмаси томонидан «Иқтисодиётимиз тараққиётида ихтирочи хотин-қизларнинг ўрни» мавзуида матбуот анжуманида қатнашдим. Қўмита томонидан ихтирочи аёллар уюшмаси ташкил этилгани муносабати билан «Ўзбекистон аёлларининг 100 та энг яхши инновацион лойиҳаси» I Республика танловини ўтказиш эълон қилинди. Унда олималар, иқтидорли талаба ва ўқувчи-қизлар, муҳандис, ихтирочи, рационализатор аёллар, конструкторлар ўз инновацион лойиҳалари билан қатнашиши мумкин бўлади.
Ушбу танловга ўз қизиқишини билдирган Ўзбекистон Фанлар академияси Физика-техника институти катта илмий ходими Феруза Ғиёсова шундай деди:
— Мен ҳозирда оптик тола қўлланилаётган қурилмаларда фото қабулқилгичлар яратиш устида изланиш олиб боряпман. Бу тадқиқот телекоммуникация, қўриқлаш ва бошқарув тизимларида қўлланилиши кўзда тутилган.
— Иштирок этишни истаган барча аёллар танловда қатнашиши мумкин, — дейди Ўзбекистон ихтирочи аёллари уюшмаси раҳбари Карима Норқулова. — Уларнинг ёши ва олий маълумот олган-олмагани муҳим эмас. Чунки уйида болалари тарбияси билан шуғулланаётган уй бекаси ҳам қандайдир ихтиро қилган бўлиши мумкин. Биз уларни албатта, қўллаб-қувватлаймиз.
Иштирокчи хотин-қизларнинг ҳужжатлари барча туман (шаҳар)лардаги ҳудудий хотин-қизлар қўмиталари томонидан 2017 йил 10 ноябрга қадар қабул қилинади.
Танловнинг бир нечта босқичда бўлиб ўтиши кўзда тутилган. Биринчи босқичда иштирокчилар рўйхати шакллантирилиб, ҳудудий хотин-қизлар қўмитасига юборилса, иккинчи босқичда иштирокчилар ўз инновацион лойиҳаси юзасидан эксперт кенгаши олдида маъруза-тақдимот қилади. Шундан сўнг танлаб олинган иштирокчилар ҳужжатлари ва инновацион лойиҳалари республика экспертлар кенгаши томонидан кўриб чиқилади. Лойиҳалар ичидан юзта энг муносиблари танлаб олиниб, турли номинациялар билан тақдирланади.
Матбуот анжуманида айтилишича, танлов якунлангач ҳам ғолиб хотин-қизлар билан ишлаш давом этади. Ёш ўқувчи, талаба, тадқиқотчиларга устозлар бириктирилади. Улар устоз-шогирд анъанасини давом эттирган ҳолда иш олиб боради. Ихтирочиларнинг ишлари, ихтиролари жамият ривожига ҳисса қўшиши учун ҳаётга татбиқ этишга ёрдам берилади.
Рақамли иқтисодиёт трансформацияси шароитида «Сервис давлат» тизими давлат хизматларини кўрсатиш самарадорлигига қандай таъсир кўрсатаётгани, уларни нафақат қулай, балки экологик жиҳатдан ҳам тозароқ қилиш масаласи айниқса долзарбдир.
Батафсил
«Телевизорни пасайтир!», «Секинроқ гапир, бақирма!», «Шовқин солма!», «Деразани ёп, жудаям шовқин!..»
Батафсил
Мамлакатимизда аҳолининг автомобилдан фойдаланиши муттасил ўсаётгани яхши кўрсаткич албатта. Бироқ, бу ўз навбатида янги экологик ва иқтисодий муаммоларни вужудга келтирмоқда. Шулардан бири – автомобиль шиналари чиқиндиларини утилизация қилиш масаласидир.
Батафсил
Рақамли иқтисодиёт трансформацияси шароитида «Сервис давлат» тизими давлат хизматларини кўрсатиш самарадорлигига қандай таъсир кўрсатаётгани, уларни нафақат қулай, балки экологик жиҳатдан ҳам тозароқ қилиш масаласи айниқса долзарбдир.
«Телевизорни пасайтир!», «Секинроқ гапир, бақирма!», «Шовқин солма!», «Деразани ёп, жудаям шовқин!..»
Мамлакатимизда аҳолининг автомобилдан фойдаланиши муттасил ўсаётгани яхши кўрсаткич албатта. Бироқ, бу ўз навбатида янги экологик ва иқтисодий муаммоларни вужудга келтирмоқда. Шулардан бири – автомобиль шиналари чиқиндиларини утилизация қилиш масаласидир.
Бугун дунё аҳли табиий ресурслардан оқилона фойдаланиш экологик барқарорликнинг асоси эканини якдиллик билан эътироф этмоқда. Юртимизда бу борада янги ислоҳотлар жорий этилаётгани мамалакат равнақи учун долзарб қадам сифатида қараляпти.
Биз ўзимизни «болажон халқ» деб биламиз. Фарзандимизнинг кулгусидан олам чароғон бўлишига, унинг беғубор нигоҳидан қалбларимиз эришига ишонамиз. Ҳар бир болани «жигарбандим», «кўзимнинг оқу қораси» дея ардоқлаймиз. Аммо шу муқаддас туйғулар пардаси ортида аччиқ ва шафқатсиз ҳақиқат яшириниб ётганини тан олиш вақти келмадими?
