Пойтахтимизда Ўзбекистон шахмат федерацияси томонидан ташкил этилган мусобақада биринчи ва иккинчи ўринни эгаллаган шахматчилар шу йилнинг декабрь ойида бўлиб ўтадиган Болалар шахмат фестивалининг ярим финал баҳсларида қатнашиш ҳуқуқини қўлга киритди.

Етти турдан иборат мусобақанинг саккиз ёшгача ўғил болалар ўртасидаги баҳсларида Жаҳонгир Комилов ғолибликни қўлга киритди. Ҳумоюн Содиқов иккинчи, Жавоҳир Бозоров учинчи ўринни эгаллади. Шу ёшдаги қизлар мусобақасида эса Ҳабиба Абдумўминова олтин, Мубина Абдулқосимова кумуш, Фарзона Ғофурова бронза медалга сазовор бўлди.

Ўн ёшгача бўлган ўғил болалар беллашувида Омилжон Каримов ютиб чиқди.Саидкаримбек Ҳотамов иккинчи, Чингиз Ғофуров учинчи ўринни забт этди. Қизлар ўртасида Мумтозбегим Мансурова, Шарифахон Исмоилжонова ва Марҳабо Намозова совринли ўринларни эгаллади.

Ўн икки ва ўн тўрт ёшгача ўғил-қизлар мусобақасида Миразизбек Эргашев, Фозилхон Бузрукхўжаев, Соҳибжон Элмуродов, Жўрабек Ибодуллаев, Сирожиддин Маҳаматов, Довуд Сулаймонов, Мафтуна Холмаматова, Дилноз Турдимуродова ғолиб ва совриндорлар қаторидан жой олди.