17 август куни Тошкент вилоятининг Олмалиқ шаҳрида «Milliy» телеканали ташаббуси билан Ўзбекистондаги энг катта палов тайёрланди. Экспертларнинг қайд этишича, рекорд миқдордаги ушбу таомнинг оғирлиги 6 тоннани ташкил этди.

Палов диаметри 4,2 метр, ҳажми деярли 8 минг литр бўлган қозонда тайёрланди. Ушбу қозон Олмалиқ кон-металлургия комбинатида мазкур тадбир учун махсус қуйилди. Қозоннинг умумий оғирлиги 7,07 тонна, чуқурлиги 1 метр. Ўчоқнинг оғирлиги эса деярли 3 тоннани ташкил қилди.

Паловни тайёрлаш учун рекорд миқдордаги масаллиқлар: 826 кг. мол гўшти, 825,5 кг. қўй гўшти, 195 кг. думба, 1650 кг. гуруч, 2 400  кг. сабзи, 185 кг. пиёз, 350 литр ўсимлик ёғи, 480 кг. туз, 4,5 кг. зира, 165 кг. зирк, 90 кг. нўхат ва 3 кг. қора мурч сарфланди. Паловни тайёрлаш учун Ўзбекистоннинг 50 дан зиёд таниқли ошпазлари жам бўлишди. Тайёр таом тадбир меҳмонлари ҳамда Олмалиқнинг 22 мингдан зиёд аҳолисига тарқатилди.