«Ўзбектелеком» компанияси ҳамда Маънавият ва маърифат маркази Шайхонтоҳур туман бўлими ҳамкорлигида Ватанимиз мустақиллигининг 26 йиллигига бағишланган «Фидойинг бўлгаймиз сени, Ўзбекистон!» шиори остида маънавий-маърифий тадбир ташкил этилди.

— Тадбирнинг асосий мақсади Мустақиллик байрамини муносиб кутиб олиш, халқимизнинг миллий манфаатларини, тинч ва осуда ҳаётини таъминлаш, уларни янги марралар сари руҳлантириш, ёшларимизни билимли ва юксак маънавиятли қилиб тарбиялашдан иборат, — дейди «Ўзбектелеком» АК Касаба уюшмаси қўмитаси раиси Бахтиёр Жўраев. — Бугун юртимизда яшаётган ҳар бир фуқаро, қайси касб эгаси бўлишидан қатъи назар, фидокорона меҳнати билан мамлакатимиз тараққиётига хизмат қилиб, мустақиллигимизни мустаҳкамлашга муносиб ҳисса қўшиши мумкин.

Тадбирда иштирок этган маънавият тарғиботчилари, ижодкорлар йиғилганларни ана шу эзгу ғояларни рўёбга чиқаришда фаоллик кўрсатишга ундадилар.