Чоршанба
24-Июн 2026
Бир пайтлар хориж маҳсулотини сотиб олиш билан фахрланардик. Энди эса ўзимизнинг миллий маҳсулотларимиз жадаллик билан жаҳон бозорига чиқяпти.
Юртимизда тайёрланаётган пойабзал хорижникидан сираям қолишмайди. Уларнинг сифати-ю, кўриниши бежирим. Бу сингари маҳсулот ишлаб чиқараётган корхоналарнинг бошини қовуштириб турган «Ўзбекчармпойабзали» уюшмаси тери хомашёсини тайёрлаш билан шуғулланувчи савдо харид корхоналари, пойабзал ишлаб чиқариш, терини қайта ишлаш, чарм-атторлик маҳсулотларини ишлаб чиқариш билан шуғулланиб келмоқда.
— Ўтган давр мобайнида 300 дан ортиқ янги моделдаги пойабзаллар ва 70 та янги турдаги чарм-атторлик маҳсулотларини ишлаб чиқариш йўлга қўйилди, — дейди «Ўзбекчармпойабзали» уюшмаси бошқаруви раисининг ўринбосари Шарифжон Шералиев. — Маҳаллийлаштириш дастури доирасида 3 та лойиҳани амалга ошириш ҳисобига импорт ўрнини босувчи 3 турдаги 1,7 миллиард сўмлик маҳсулот ишлаб чиқарилди. Шу йил 189 та лойиҳа амалга оширилиб, 1654 та янги иш ўрни яратилади.
— Болалар ҳамда аёллар пойабзали ишлаб чиқаришда кузатилаётган қатор оқсоқликларга қачон барҳам берилади?
— Аёллар пойабзали ишлаб чиқариш хийла мураккаб. Негаки, бу соҳада янгиликлар кўп. Биз ана шу талабни инобатга олиб, харидорлар таклифини пухта ўрганиб чиқиб, аниқ амалий ишга қўл уряпмиз. Масалан, ҳозирги кунда Наманган вилоятида ушбу масалани ҳал этишга кўмаклашадиган корхона иш бошлади. Мақсад — болалар ва аёллар дидига мос пойабзаллар тайёрлаш.
— Савдо шохобчаларининг аксариятида хориждан келтирилган, сунъий чарм қопланиб тайёрланган портфель, сумкалар кўп. Шулар ўрнига ўзимизда табиий теридан фойдаланиб, сифати жаҳон андозаларига мос маҳсулотлар ишлаб чиқариш мумкинми?
— Хориждан келтирилган портфель ва сумкаларнинг аксарияти соғлиқ учун зарарли. Негаки, улар сиз айтгандек сунъий чармдан тайёрланган. Мутахассислар билан келишган ҳолда, бу маҳсулотларни бундан кейин ўзимизда табиий чармдан тайёрлашни йўлга қўймоқчимиз. Бунга маблағ ҳам, имконият ҳам етарли.
— Чарм пойабзал маҳсулотлари қайси давлатларга экспорт қилинмоқда?
— 2016 йилда чарм пойабзал маҳсулотлари 11 давлатга — Хитой, Ҳиндистон, Покистон, Туркия, Қозоғистон, Корея, Россия сингари давлатларга экспорт қилинган бўлса, 2018 йилга бориб, Ўзбекистоннинг маҳсулоти сотиладиган ҳамкор мамлакатлар сони 16 тага етади. Жумладан, Белоруссия, Қирғизистон, Польша, Италия, Испания, Чехия каби давлатларга маҳсулотларимиз экспорт қилинади.
Темир йўл транспорти соҳасида рақамлаштириш ва янги йўналишлар қурилиши борасида ижобий кўрсаткичлар кўзга ташланаётган бўлса-да, тизимнинг ички ҳолати, хизмат кўрсатиш сифати ва оддий йўловчилар учун яратилган шароитлар жиддий ислоҳотларга муҳтожлигини кўрсатмоқда.
Батафсил
Инсон саломатлиги ҳақида гап кетганда кўпинча овқатланиш, спорт ёки зарарли одатлар тилга олинади. Аммо инсоннинг ҳар куни қандай юриши, қанча ҳаракат қилиши кўп жиҳатдан унинг яшаётган шаҳри билан боғлиқ.
Батафсил
Яқинда ижтимоий тармоқларда кенг муҳокамаларга сабаб бўлган навбатдаги видео лавҳа жамоатчиликни ҳам ҳайратга солди, ҳам чуқур хавотирга қўйди.
Батафсил
Темир йўл транспорти соҳасида рақамлаштириш ва янги йўналишлар қурилиши борасида ижобий кўрсаткичлар кўзга ташланаётган бўлса-да, тизимнинг ички ҳолати, хизмат кўрсатиш сифати ва оддий йўловчилар учун яратилган шароитлар жиддий ислоҳотларга муҳтожлигини кўрсатмоқда.
Инсон саломатлиги ҳақида гап кетганда кўпинча овқатланиш, спорт ёки зарарли одатлар тилга олинади. Аммо инсоннинг ҳар куни қандай юриши, қанча ҳаракат қилиши кўп жиҳатдан унинг яшаётган шаҳри билан боғлиқ.
Яқинда ижтимоий тармоқларда кенг муҳокамаларга сабаб бўлган навбатдаги видео лавҳа жамоатчиликни ҳам ҳайратга солди, ҳам чуқур хавотирга қўйди.
Биз экология деганда, одатда, кўз билан кўриш мумкин бўлган манзараларни – мўрилардан чиқаётган қора тутунни, дарёларга оқизилаётган кимёвий оқаваларни ёки йўл четида сочилиб ётган пластик идишларни тасаввур қиламиз. Аммо бугунги кунда инсоният янги, «кўринмас», лекин хавфи тобора ортиб бораётган глобал экологик таҳдид билан юзма-юз турибди. Бу – рақамли чиқиндилар.
Ёшлар куни муносабати билан партия Марказий кенгашида ташкил этилган очиқ мулоқот ёшлар учун янги имкониятлар эшигини очди. Унда олий таълим муассасалари талабалари, ёш сиёсатчилар ва стартап ғоялари муаллифлари иштирок этиб, ўз таклиф ва ташаббуслари билан фаол қатнашдилар.
