Президентимиз Шавкат Мирзиёев 2017 йилнинг 25 май куни «Ўзтадбиркорэкспорт» АЖ фаолияти самарадорлигини ошириш бўйича қўшимча чора-тадбирлар тўғрисида»ги қарорни имзолади. Унга кўра, «Ўзтадбиркор­экспорт» АЖ «Ўзтрейд» ихтисослаштирилган ташқи савдо компанияси этиб номланди.

Uztrade электрон савдо майдончасини ривожлантириш бўйича фаол ишламоқда. Унда маҳаллий маҳсулотлар, нархи, тури, етказиб бериш шартлари ҳамда бошқа хусусиятлари ҳақида маълумот берилган ҳолда жойлаштириб борилади. Компания эндиликда ташқи бозордаги талаб ва таклифни ўрганади, бизнес субъектлари билан ҳамкорликда маҳсулотни ишлаб чиқариш, сақлаш ва қайта ишлаш бўйича қўшма лойиҳаларни амалга оширади. Деҳқон ва фермер хўжаликларига қайта ишланган мева-сабзавот маҳсулотни (янгидан ташқари) экспортга йўналтиришда ҳам кўмак беради. «Ўзтрейд» АЖ компаниянинг хориждаги савдо уйлари орқали консигнация шароитларида буғдой ва ун экспортига ҳуқуқ олди.