Термиз шаҳрида кураш бўйича Ўзбекистон Президенти соврини учун Ал Ҳаким Ат-Термизий хотирасига бағишланган халқаро турнир якунланди. Мусобақада Европа, Осиё, Африка, Океания ва Пан Америка қитъаларининг 30 дан зиёд давлатларидан ташриф буюрган юзлаб курашчи қатнашди.

-73 килограмм вазн тоифасидаги баҳслар финалида Давлат Абраевга қарши гиламга кўтарилган Ҳикмат Тўраев мусобақанинг дастлабки олтин медалини қўлга киритди. Мусобақанинг бронза медалларини Суҳроб Худойбердиев ва Шербек Аблақулов қўлга киритди.

-90 килограмм вазн тоифасида Яҳё Имомов финалда Шуҳрат Арслоновни мағлуб этиб, мусобақа ғолибига айланди. Бронза медаллари Камолиддин Расулов ва Дилшод Турдиевга топширилди.

Мутлақ вазн тоифасида ҳамюртимиз Абдулла Холиёров финал баҳсида Артём Осипенкодан устунлигини исботлади. Бронза медаллари Бекмурод Олтибоев ва Бахтиёр Менглиқуловга насиб этди.