Айни пайтда фармацевтика маҳсулотлари ишлаб чиқарувчи маҳаллий корхоналаримиз аҳолининг дори воситаларига бўлган эҳтиёжини шартли бирлик миқдорида 54 фоизни ва умумий эҳтиёжнинг пул кўринишида 24 фоизини таъминламоқда.

«Ўзфармсаноат» АК бошқаруви раисининг маслаҳатчиси Жамолиддин Нажмиддиновнинг айтишича, Президентимизнинг 2016 йил 16 сентябрда имзолаган «2016 — 2020 йилларда республика фармацевтика саноатини янада ривожлантириш чора-тадбирлари дастури тўғрисида»ги қарорига асосан, 26 та фармакотерапевтик гуруҳ бўйича тиббиёт буюмлари, ёрдамчи материаллар ва доривор ўсимликлар асосидаги препаратларни шартли бирлик ҳамда пул миқдорида ишлаб чиқариш бўйича аниқ топшириқлар берилган.

Бунда доривор субстанциялар ишлаб чиқарадиган замонавий корхона (24 та лойиҳа), кимёвий субстанциялардан фойдаланиладиган дори воситалари юзасидан (37 та лойиҳа) ва доривор ўсимликлар асосидаги препаратлар бўйича (6 та лойиҳа) инвестиция лойиҳалари тасдиқланиб, улар амалга оширила бошланди.