Чоршанба
10-Декабр 2025
Ёмғир томчиламоқда. Осмонда қора булут — ҳадемай шаррос қуйса керак. Соябоним йўқ эди. Тезда етиб оламан деган мақсадда уйга шошилдим.
Узоқдан бир аёл кўринди. Уст-бошидан янги келинга ўхшайди. Бирдан ёмғир шаррос қуя бошлади. Юришга имкон топмай, ўзимни кекса тут дарахти панасига олдим. Келин ҳам шу томонга келаётганди. Унинг кўзидаги ёш шундай ёмғирда ҳам аниқ кўринарди...
— Синглим, нима бўлди? Шу ёмғирда қаерга кетяпсиз? — дедим юзидаги маъюсликни кўриб.
— Бошим оққан томонга, яшагим келмаяпти, ҳаммасидан тўйиб кетдим, — деди келин ҳам йиғисини яширолмай.
Гап-сўзларидан оиласида жанжал бўлганини пайқаш қийин эмас эди.
— Нима бўлди, синглим? Нега унақа деяпсиз, ҳар қандай оилада ҳам жанжал бўлиб туради. Сиз аёл кишисиз, сабрли бўлишингиз керак. Оилани сақлаб қолиш сизга ҳам боғлиқ. Ҳозир қаерга борасиз? Ота уйингизгами?
— Йўқ, уйга борсам, ота-онамнинг бағри эзилади. Нима қилишниям билмаяпман. Тўйиб кетдим ҳаммасидан...
Озгина сўраб-суриштирганимдан сўнг аёлнинг дарди енгиллагандек бўлди. Ҳозир нима қилиб бўлса-да, уни уйига қайтаришим керак. Панд-насиҳат билан бундай қилиб бўлмайди. Хаёлимга бир фикр келди.
— Синглим, битта илтимос айтсам, қиласизми? — дедим юмшоқлик билан.
— Майли...
— Ерга тўкилган тутлардан иккитасини олинг. Икки кафтингизга қўйинг ва биттасини орқа тарафга отинг, — дедим қўлидаги тут мевасига ишора қилиб. — Қани, энди шу отган тутингизни менга топиб беринг-чи? — дедим мулоҳаза билан.
Келин эса бир нечта тут меваларидан олиб «мана», «мана буниси», «менимча, бунисидир», деб бирин-кетин кўрсата бошлади.
— Йўқ, у эмас, униси ҳам эмас, тўхтанг, бу тут мевасини бир умр қидирсангиз ҳам топа олмайсиз, вақтингиз кетгани қолади, холос. Ундан кўра, иккинчи қўлингиздаги тутга қаранг. Бу сизнинг иккинчи имкониятингиз. Иккинчи имкониятга ҳамма ҳақли бўлади. Ҳаётда ҳамма нарса бўлиши мумкин. Фақат арзимаган нарсалар учун муқаддас оилангиздан кечиб, имкониятларингиздан воз кечманг...
Келин эса озгина жим бўлиб турди-да, «вой, бешикда болам бор эди, йиғлаб қолгандир», дея уйи томон шошиб кетди. Мен эса битта оиланинг илиқ муносабатига дарз кетишидан сақлаб қолганимга хурсанд бўлиб йўлимда давом этдим.
Бугун Ўзбекистонда ижтимоий ҳаётда юз бераётган ўзгаришлар, глобаллашув, рақамлашув, урф-одат ва анъаналарнинг трансформацияси ҳамда ёшлар онгида шаклланаётган янги қадриятлар фонида оила институтининг мустаҳкамлиги масаласи янада долзарб аҳамият касб этмоқда.
Батафсил
Унинг мезони эрталабки бадантарбия, кун бўйи саломат юриш, кам овқатланишга одатланиш, оила билан саёҳатга чиқиш, китоб мутолаа қилиш, кутубхонага бориш, дорихона-ю шифохонага мурожаат қилмаслик, тўй-маъракаларни камхарж ўтказиш кабилар билан ўлчанса ажабмас.
Батафсил
Зўравонликка учраганлар ҳуқуқини ҳимоя қилиш бўйича ташкил этилган ишонч телефонига қилинган мурожаатлар сони ноябрь ойида октябрга нисбатан икки баробар ошгани қайд этилди.
Батафсил
Бугун Ўзбекистонда ижтимоий ҳаётда юз бераётган ўзгаришлар, глобаллашув, рақамлашув, урф-одат ва анъаналарнинг трансформацияси ҳамда ёшлар онгида шаклланаётган янги қадриятлар фонида оила институтининг мустаҳкамлиги масаласи янада долзарб аҳамият касб этмоқда.
Унинг мезони эрталабки бадантарбия, кун бўйи саломат юриш, кам овқатланишга одатланиш, оила билан саёҳатга чиқиш, китоб мутолаа қилиш, кутубхонага бориш, дорихона-ю шифохонага мурожаат қилмаслик, тўй-маъракаларни камхарж ўтказиш кабилар билан ўлчанса ажабмас.
Зўравонликка учраганлар ҳуқуқини ҳимоя қилиш бўйича ташкил этилган ишонч телефонига қилинган мурожаатлар сони ноябрь ойида октябрга нисбатан икки баробар ошгани қайд этилди.
Косон туманидаги «Арабхона», «Юқори Арабхона» маҳаллалари аҳолиси ўртасида эрта турмуш, яқин қариндошлар ўртасидаги никоҳнинг олдини олиш мақсадида йиғилиш ўтказилди.
Оила жамиятнинг асосий бўғини сифатида қадрланади. Оила қанчалик мустаҳкам бўлса, жамият шу қадар фаровон ва барқарор ривожланади. Бу борада халқ депутатлари Кўкдала туман Кенгашига Ўзбекистон Экологик партиясидан сайланган депутат, тумандаги «Олтин бошоқ» маҳалласи хотин-қизлар фаоли Дилноза Эшмаматованинг олиб бораётган ишлари таҳсинга лойиқ.
