Душанба
27-Июл 2026
PowerChina – Хитойнинг электр энергия қурилиши корпорацияси бўлиб, Европа ва Марказий Осиёда қурғоқчилик ҳамда иссиқдан зарар кўрган ҳудудларни қўллаб-қувватлашга қаратилган яшил энергия лойиҳаларини амалга оширмоқда.
Бу ташаббуслар орқали компания паст углеродли энергия тизимига ўтишни жадаллаштиряпти, дея хабар бермоқда FuelCellsWorks.com сайти.
Маҳаллий шароит ва эҳтиёжларга мос равишда қуёш, гидроэнергетика ҳамда яшил водород лойиҳаларини барпо этаётган PowerChina иқлим муаммоларига бир қатор амалий ечимларни таклиф қилмоқда.
Глобал иқлим босимига қарши навбатдаги йирик ютуқ сифатида компания Босния ва Герцеговинадаги «Улог» гидроэлектростанциясини расман якунлаб, фойдаланишга топширганини айтиш мумкин. Қуввати 35,14 мегаватт бўлган мазкур иншоот нафақат электр энергияси ишлаб чиқариш, балки экологик сув таъминоти эҳтиёжларини ҳам қондиришга хизмат қилади.
Марказий Осиё минтақасида илк саноат миқёсидаги яшил водород лойиҳаси Тошкентда синов тариқасида ишга туширилди. Бу «PowerChina»нинг мазкур соҳадаги биринчи халқаро лойиҳаси бўлиб, Ўзбекистонда яшил энергияга ўтиш борасидаги саъй-ҳаракатларда муҳим қадам сифатида баҳолаш мумкин.
Асосий ишлаб чиқариш объекти Тошкентдаги «Махам» кимё заводида жойлашган. Унда 4 дона 1 000 Нм³/соат қувватли АЛК электролиз тизимлари ўрнатилган бўлиб, умумий қуввати 20 МВтни ташкил этади. Корхона йилига 3 150 тонна яшил водород ишлаб чиқариш имконига эга. Бу ҳажм илгари қўлланган кулранг водород ишлаб чиқариш усулларига нисбатан, йилига тахминан 30 минг тонна карбонат ангидрид чиқиндиларини камайтиради.
Лойиҳа Марказий Осиё ва ундан ташқаридаги давлатларда яшил, паст углеродли энергия трансформациясини жадаллаштиришда аҳамиятли бўлиб, келгусида энергия хавфсизлиги ва экологик барқарорлигини таъминлашга ҳисса қўшади.
Кўплаб техник ва ташкилий қийинчиликларни енгиб ўтган ҳолда, лойиҳа нафақат минтақа учун, балки бутун дунёда яшил водород ишлаб чиқариш бўйича қимматли тажриба яратади.
Бугунги кунда дунё мисли кўрилмаган экологик муаммоларга дуч келар экан, PowerChina аниқ ва тизимли чоралар билан тоза энергияга глобал ўтишни тезлаштиришга қатъий бел боғлаган.
Ирода РАҲМОНАЛИЕВА тайёрлади.
Бугунги суҳбатдошимиз – шифокорликдан парламентгача бўлган фаолият йўлини босиб ўтган, Ўзбекистон Экологик партиясидан Олий Мажлис Қонунчилик палатаси депутати Ноиба ИНОЯТОВА.
Батафсил
«Oila va TABIAT» газетасининг 2026 йил 9 июлдаги 28-сонида «Чирчиқ ва Қорадарёдан тутиладиган балиқларда микропластик аниқланди» сарлавҳаси остида долзарб мақола чоп этилди.
Батафсил
Германияда яшил сиёсат ғояларига алоҳида урғу берадиган «Яшиллар» партияси 1980 йил январдан буён фаолият юритиб келади.
Батафсил
Бугунги суҳбатдошимиз – шифокорликдан парламентгача бўлган фаолият йўлини босиб ўтган, Ўзбекистон Экологик партиясидан Олий Мажлис Қонунчилик палатаси депутати Ноиба ИНОЯТОВА.
«Oila va TABIAT» газетасининг 2026 йил 9 июлдаги 28-сонида «Чирчиқ ва Қорадарёдан тутиладиган балиқларда микропластик аниқланди» сарлавҳаси остида долзарб мақола чоп этилди.
Германияда яшил сиёсат ғояларига алоҳида урғу берадиган «Яшиллар» партияси 1980 йил январдан буён фаолият юритиб келади.
Экологик маданиятни юксалтириш, ёшларнинг ижтимоий-сиёсий фаоллигини кучайтириш учун уларнинг ташаббуслари ва инновацион ғояларини қўллаб-қувватлаш бугунги рақамли дунёнинг асосий талабидир.
Экология ва иқлим ўзгариши миллий қўмитаси аномал иссиқда дарахтларни қуриб қолишдан асраш чораларини кўришга чақирмоқда. Вазирлик аномал иссиқ ҳаво инсонлар билан бир қаторда мамлакатдаги яшил ҳудудлар, дарахтлар, буталар ва ҳайвонот дунёси учун ҳам жиддий хавф туғдиришини билдирди.
