Сешанба
08-Июл 2025
Одамлар билан юзма-юз мулоқот қилиш, уларнинг дардини эшитиш, муаммосини ҳал этиш – бугунги кунда ҳар бир раҳбар ва депутатдан талаб этилаётган энг муҳим бурчга айланди.
Президент Шавкат Мирзиёев 2025 йил 16 июнь куни бўлиб ўтган видеоселектор йиғилишида айнан шу ҳақда алоҳида тўхталиб ўтди. Давлат раҳбари аҳоли турмуш тарзида тўпланиб қолган долзарб муаммоларни очиқча тилга олди, уларни ҳал этиш учун аниқ вазифалар белгилади.
Йиғилишда қайд этилганидек, сўнгги пайтларда Халқ қабулхоналари фуқароларнинг аризаларини фақат юқори ташкилотларга йўллаш билан чекланиб, ҳал қилувчи орган сифатидаги функциясини йўқотмоқда. Бу эса одамларнинг давлат органларига бўлган ишончини заифлаштирмоқда. Муаммолар ўз вақтида ҳал этилмагани боис кўп ҳолатларда фуқаролар ижтимоий тармоқларда адолат излашга мажбур бўлмоқда.
Аслида ҳар бир мурожаат ортида бир инсон тақдири турибди. Унинг дарди, умиди ва юрагидаги ишончга хиёнат қилиш мумкин эмас. Шу нуқтаи назардан, фуқароларнинг дарди билан яшаш – бу раҳбарлар учун нафақат вазифа, балки виждон талаби ҳамдир.
Ўзбекистон Экологик партиясидан сайланган депутатлар ҳам ислоҳотларнинг амалдаги ҳаётга татбиқ этилишида фаол иштирок этиб келмоқда. Қашқадарё вилоятидаги партия вакиллари, жумладан, Халқ депутатлари вилоят ва туман (шаҳар) Кенгашларидаги 60 нафар депутат доимий равишда аҳоли билан очиқ мулоқотлар ўтказмоқда. Мисол учун, Қарши туманидаги 21-Губдин сайлов округидаги учрашувларда, хусусан, Қўчкак, Гулистон, Узумзор, Тинчлик, Шодлик ва Шойхўжа маҳаллаларида томорқалар учун сув етишмаслиги фуқароларнинг асосий ташвиши экани аниқланди.
Давлатимиз раҳбари томонидан белгиланган чоралар амалда татбиқ этилса, ушбу ҳудудларга оқар сув етказиш масаласи ҳал этилади. Бу эса, ўз навбатида, аҳоли томонидан мева-сабзавот ва полиз маҳсулотлари етиштириш имкониятини яратиб, юзлаб оилалар учун қўшимча даромад манбаи пайдо бўлади.
Ислоҳотлар натижаси одамлар ҳаётида акс этсагина яққол кўринади. Биз – Ўзбекистон Экологик партияси вакиллари бу борада катта масъулиятни ҳис этган ҳолда виждонан ишлашимиз лозим.
Носир ҲАЛИМОВ,
Халқ депутатлари Қашқадарё вилояти Кенгаши депутати
Бугун мамлакатимизда давлат бошқарувини ислоҳ қилиш, фуқаролик жамиятини мустаҳкамлаш, жумладан, маҳаллий Кенгашларнинг таъсир доирасини кенгайтириш ва масъулиятини кучайтириш бўйича янги тарихий босқич бошланди.
Батафсил
«Давлат экологик экспертизаси маркази» давлат муассасаси Тошкент шаҳар филиалида айни шу масала муҳокама қилинди.
Батафсил
Экология, атроф-муҳитни муҳофаза қилиш ва иқлим ўзгариши вазирлиги томонидан Тошкент шаҳар ҳокимлиги ҳамда «Замин» халқаро жамоат фонди кўмагида пойтахтдаги дарахтлар ягона рақамли реестрини яратиш ишлари бошланди.
Батафсил
Бугун мамлакатимизда давлат бошқарувини ислоҳ қилиш, фуқаролик жамиятини мустаҳкамлаш, жумладан, маҳаллий Кенгашларнинг таъсир доирасини кенгайтириш ва масъулиятини кучайтириш бўйича янги тарихий босқич бошланди.
«Давлат экологик экспертизаси маркази» давлат муассасаси Тошкент шаҳар филиалида айни шу масала муҳокама қилинди.
Экология, атроф-муҳитни муҳофаза қилиш ва иқлим ўзгариши вазирлиги томонидан Тошкент шаҳар ҳокимлиги ҳамда «Замин» халқаро жамоат фонди кўмагида пойтахтдаги дарахтлар ягона рақамли реестрини яратиш ишлари бошланди.
Инсон – онгли мавжудот. Аммо бу оддий ҳақиқатнинг замирида чуқур масъулият ётади. Ҳар бир давр инсоният олдига янги синовлар, янги мезонлар «туҳфа» этади.
Ҳар куни уй ва ишхоналарда тозаликни сақлаш мақсадида фойдаланиладиган маиший кимёвий воситалар кўп ҳолларда инсон саломатлиги ва атроф-муҳит учун жиддий хавф манбаига айланиб бормоқда. Тозалик сари интилган инсонлар баъзан ўзлари билмаган ҳолда ҳаво, сув ва тупроқ ифлосланишига бевосита сабабчи бўлаётганини билишмайди.
