Республиканинг ўрмон билан қопланганлик даражаси 8,1 фоизга (3,65 млн гектар) етказилди.

Оролбўйи ҳудудларида 215 минг гектарда «яшил қопламалар» барпо қилиниб, уларнинг умумий майдони 1,9 млн гектарни ташкил этди.

Чўл, тоғ ва тоғолди ҳудудларида 1000 гектар майдонда ҳимоя ўрмонзорлари барпо этилди.

Ўрмон хўжаликларида 5,6 минг гектарда доривор ва озуқабоп ўсимликлар плантацияси барпо этилиб, 9,6 минг тонна доривор ва озуқабоп ўсимликлар хом ашёси тайёрланди.

«Яшил макон» умуммиллий лойиҳаси доирасида жами 224 млн туп кўчат экилди.

Дарахтларни суғориш мақсадида 253 та сув чиқариш қудуқлари қазилди ва 2 906 км узунликда суғориш тизимлари ташкил этилди.

Йирик саноат корхоналари ҳудудлари ва атрофида 5,3 млн туп дарахт кўчатларини экиш орқали «яшил белбоғ»лар ташкил қилинди.

«Очиқ бюджет» тизими орқали «Менинг боғим» лойиҳаси ишга туширилиб, фуқаролар томонидан ташаббус билдирилган 215 та лойиҳа ғолиб деб топилди.

97 та ўсимлик тури, 106 та ҳайвон тури ва муҳофаза этиладиган табиий ҳудудлардаги 46 та объектнинг геоахборот маълумотлари Миллий геоахборот тизимига киритилди.

Йил давомида жами қуввати 1 850 МВтга тенг бўлган 5 та қуёш (1 050 МВт) фотоэлектр ва 3 та шамол (800 МВт) электр станциялари ишга туширилди.

414 та замонавий чиқинди йиғиш майдончалари реконструкция қилинди. 26 та замонавий майдончалар қурилиб, фойдаланишга топширилди.