Сешанба
09-Декабр 2025
2024 йил 28 октябрь куни Ўзбекистон Экологик партияси Марказий Кенгаши Ижроия қўмитасида Ўзбекистон Республикаси Олий Мажлиси Қонунчилик палатаси ҳамда маҳаллий Кенгашлар депутатлари сайловида Ўзбекистон Экологик партиясининг иштироки юзасидан брифинг бўлиб ўтди.
Унда Ўзбекистон Экологик партияси Марказий Кенгаши Ижроия қўмитаси раиси Абдушукур Ҳамзаев партиянинг сайловдаги иштироки юзасидан оммавий ахборот воситаларига маълумот берди.
– 27 октябрь куни бўлиб ўтган сайловларда халқимиз мамлакатимиз келажаги учун овоз бериш орқали ўзининг танловини амалга оширди. Биз ўтган даврда тўплаган тажрибамиз асосида мамлакатимиз парламенти қуйи палатаси ва маҳаллий Кенгашлар сайловларига тайёргарлик кўрдик, – деди партия етакчиси А.Ҳамзаев. – Биз сайловларда иштирок этиш орқали партиямизнинг сайловолди дастурини, партиянинг мақсад ва вазифаларини аҳоли ўртасида кенг тарғиб қилишга эришдик. Сайловлар ютуқ ва камчиликларимизни кўриш имкониятини ҳам берди. Умуман олганда, сайловларда иштирок этиш партиямиз учун катта сиёсий тажриба мактаби бўлди.
Брифингда қайд этилганидек, Ўзбекистон Экологик партияси томонидан сайлов жараёнларида партия Марказий Кенгаши ва ҳудудларда 15 та ва ҳар бир туман ва шаҳар партия ташкилотларида сайлов штаблари фаолият юритди. Тарғибот-ташвиқот ишларини самарали ташкил этиш мақсадида 250 га яқин тарғибот гуруҳлари шакллантирилиб, 15 000 нафардан ортиқ кўнгиллилар тарғибот ишларига жалб қилинди.
Марказий сайлов комиссияси эълон қилган сайлов натижаларига кўра, Ўзбекистон Экологик партиясидан бир мандатли сайлов округлари бўйича Олий Мажлис Қонунчилик палатаси депутатлигига кўрсатилган номзодларнинг 6 нафари сайланди. Партия жами сайловчиларнинг 13,12 фоиз овозини олиб, Олий Мажлис Қонунчилик палатасида партия рўйхати бўйича 10 та депутатлик ўрнига эга бўлди.
Шундай қилиб, Ўзбекистон Экологик партияси жорий йилги сайловлардан кейин парламентда жами 16 та ўрин олди.
Сайловлар жараёнида йилдан-йилга халқимизнинг сиёсий фаоллиги ортиб, фуқаролик позицияси кучайиб бораётгани яна бир бор ўз ифодасини топди.
Ўзбекистон Экологик партияси эълон қилинган сайлов натижаларини халқимиз хоҳиш-иродаси ҳамда танлови сифатида ҳурмат қилади.
Брифингда кейинги 5 йилликда партия сайловолди дастурида белгиланган мақсад ва вазифаларни амалга оширишда депутатлик корпуси ҳамда партия фаоллари астойдил ҳаракат қилиши қайд этилди.
ЎЭП МК Матбуот хизмати
Тоза ҳаво бугунги кунда нафақат юртимиз, балки бутун дунё мамлакатларининг оғриқли муаммоларидан бири бўлиб қолмоқда. Ҳар бир давлатда демографик кўрсаткичлар ўсиб боргани сайин тоза ҳаво масаласи ҳам кўндаланг муаммога айланмоқда.
Батафсил
Тошкент шаҳрида бир неча ҳафтадан буён давом этаётган ҳаво ифлосланиши фонида сунъий ёмғир ёғдириш масаласи яна муҳокамалар майдонига чиқди. Тўғри, юртимиз осмонида сунъий ёмғир ёғдириш ҳақида бир неча йиллардан буён айтиб келинади.
Батафсил
Қиммат техникалар эмас, табиий йўллар самарали ва зарарсиз
Батафсил
Тоза ҳаво бугунги кунда нафақат юртимиз, балки бутун дунё мамлакатларининг оғриқли муаммоларидан бири бўлиб қолмоқда. Ҳар бир давлатда демографик кўрсаткичлар ўсиб боргани сайин тоза ҳаво масаласи ҳам кўндаланг муаммога айланмоқда.
Тошкент шаҳрида бир неча ҳафтадан буён давом этаётган ҳаво ифлосланиши фонида сунъий ёмғир ёғдириш масаласи яна муҳокамалар майдонига чиқди. Тўғри, юртимиз осмонида сунъий ёмғир ёғдириш ҳақида бир неча йиллардан буён айтиб келинади.
Қиммат техникалар эмас, табиий йўллар самарали ва зарарсиз
Инсониятнинг табиат билан муносабати асрлар давомида доимий мувозанатсизлик билан кечди. Замонавий глобализация даврида эса ноёб ўсимликлар ва жониворлар эндиликда фақатгина табиий бойлик эмас, балки халқаро бозорнинг қимматбаҳо маҳсулотига айланиб, бу мувозанатсизлик янада кучайишига сабаб бўлди.
Жорий йилнинг энг муҳим табиатни муҳофаза қилиш тадбирларидан бири бошланишига оз қолди – 24 ноябрдан 5 декабргача «Silk Road Samarkand» туризм мажмуаси йўқолиб кетиш хавфи остида турган ёввойи ҳайвон ва ўсимлик турлари билан халқаро савдони тартибга солиш тўғрисидаги конвенция томонлари конференциясининг 20-сессияcи – CITES CoP20 мезбони бўлади.
