Сешанба
09-Декабр 2025
Тошкент шаҳар ҳокимининг 2024 йил 1 августда Мирзо Улуғбек, Сергели, Шайхонтоҳур, Чилонзор ҳамда Яшнобод туманларида реновация лойиҳаларни амалга оширишга оид қабул қилган қарори ижтимоий тармоқларда ва кенг жамоатчилик ўртасида баҳс-мунозараларга сабаб бўлмоқда.
Мазкур қарор билан пойтахтнинг бир қатор ҳудудларида турар ва нотурар жой объектларини реновация қилиш, кенг кўламли қурилиш ишларини амалга ошириш кўзда тутиляпти.
Ўзбекистон Экологик партияси ҳар қандай объектларни бузиш ва қайтадан қуриш ишлари аввало қатъий экологик стандартлар асосида амалга оширилиши зарурлигини таъкидлайди. Белгиланган реновация ҳудудларида кўп йиллик дарахт ва буталар мавжудлигини инобатга олиш шарт. Реновация ҳудуди сифатида шаҳар ҳокими қарорида кўрсатилган ҳудудларда кўп йиллик чинор ва бошқа ноёб дарахтлар мавжуд.
Шундан келиб чиқиб, Ўзбекистон Экологик партияси Тошкент шаҳар ҳокимлиги реновация лойиҳаларини бошлашдан олдин қуйидаги масалаларга ечим топиши керак деб ҳисоблайди:
Биринчидан, қонунларимизга асосан ушбу шаҳарсозлик ҳужжатлари лойиҳалари жамоатчилик муҳокамасидан албатта ўтказилиши, ушбу ҳудуднинг экологик ҳолати хусусида аҳоли хабардор этилиши;
Иккинчидан, Экология, атроф-муҳитни муҳофаза қилиш ва иқлим ўзгариши вазирлиги билан биргаликда белгиланган реновация ҳудудларидаги барча дарахт ва буталар сони, яшил ҳудудлар майдони қатъий ҳисобга олиниши, инвентаризациядан ўтказилиши;
Учинчидан, лойиҳа ҳудудларидаги мавжуд дарахтлар, яшил ҳудудлар сақлаб қолиниши, уларга ҳеч қандай зарар етказилмаслиги эътиборга олинган ҳолда ҳар бир лойиҳа экологик экспертизадан ўтказилиб, жамоатчиликка маълум қилиниши;
Тўртинчидан, 10 ёшдан катта дарахтларни сақлаб қолиш билан бирга, уларнинг бошқа жойга кўчирилиши, ҳудуд экологик қиёфаси ўзгаришига йўл қуймаслик зарур.
Биз ҳар бир лойиҳа, қурилиш ишлари аввало атроф-муҳитга зарар етказилмасдан амалга оширилишининг тарафдоримиз. Дарахтлар кесилиши ёхуд бошқа йўллар билан йўқ қилинганидан кейин, унинг компенсациясини талаб қилиш эмас, биз учун аввало ўша дарахтларнинг ўз ўрнида яшнаб туриши муҳим. Реновация давомида бир дона бўлса ҳам дарахтга зарар етказилмаслиги лозим.
Бу масалани Бош прокуратура, Экология, атроф-муҳитни муҳофаза қилиш ва иқлим ўзгариши вазирлиги қатъий назоратга олиши керак.
ЎЭП Марказий кенгаши матбуот хизмати
Тоза ҳаво бугунги кунда нафақат юртимиз, балки бутун дунё мамлакатларининг оғриқли муаммоларидан бири бўлиб қолмоқда. Ҳар бир давлатда демографик кўрсаткичлар ўсиб боргани сайин тоза ҳаво масаласи ҳам кўндаланг муаммога айланмоқда.
Батафсил
Тошкент шаҳрида бир неча ҳафтадан буён давом этаётган ҳаво ифлосланиши фонида сунъий ёмғир ёғдириш масаласи яна муҳокамалар майдонига чиқди. Тўғри, юртимиз осмонида сунъий ёмғир ёғдириш ҳақида бир неча йиллардан буён айтиб келинади.
Батафсил
Қиммат техникалар эмас, табиий йўллар самарали ва зарарсиз
Батафсил
Тоза ҳаво бугунги кунда нафақат юртимиз, балки бутун дунё мамлакатларининг оғриқли муаммоларидан бири бўлиб қолмоқда. Ҳар бир давлатда демографик кўрсаткичлар ўсиб боргани сайин тоза ҳаво масаласи ҳам кўндаланг муаммога айланмоқда.
Тошкент шаҳрида бир неча ҳафтадан буён давом этаётган ҳаво ифлосланиши фонида сунъий ёмғир ёғдириш масаласи яна муҳокамалар майдонига чиқди. Тўғри, юртимиз осмонида сунъий ёмғир ёғдириш ҳақида бир неча йиллардан буён айтиб келинади.
Қиммат техникалар эмас, табиий йўллар самарали ва зарарсиз
Инсониятнинг табиат билан муносабати асрлар давомида доимий мувозанатсизлик билан кечди. Замонавий глобализация даврида эса ноёб ўсимликлар ва жониворлар эндиликда фақатгина табиий бойлик эмас, балки халқаро бозорнинг қимматбаҳо маҳсулотига айланиб, бу мувозанатсизлик янада кучайишига сабаб бўлди.
Жорий йилнинг энг муҳим табиатни муҳофаза қилиш тадбирларидан бири бошланишига оз қолди – 24 ноябрдан 5 декабргача «Silk Road Samarkand» туризм мажмуаси йўқолиб кетиш хавфи остида турган ёввойи ҳайвон ва ўсимлик турлари билан халқаро савдони тартибга солиш тўғрисидаги конвенция томонлари конференциясининг 20-сессияcи – CITES CoP20 мезбони бўлади.
