Сирдарё вилоят Экология, атроф-муҳитни муҳофаза қилиш ва иқлим ўзгариши бошқармаси, ЎЭП вилоят кенгаши масъуллари аҳолининг экологик маданиятини шакллантириш мақсадида доимий тарғибот тадбирларини олиб бормоқда.

Бу каби самарали ишларни кўриб кўрмаганликка олаётган, «бўлаверади» қабилида иш қилувчилар ҳам учраб турибди.

Гулистон туманининг «Ишонч» маҳалласига кириш йўлидаги чиқиндилар олиб кетилганига саноқли кунлар бўлган бўлса-да, номаълум шахслар қурилиш материаллари ва хонадонлардан чиққан ҳар ҳил турдаги маиший чиқиндиларни катта йўл юзига кечалари ташлаб кетишни одат қилиб олган.

Бу каби ҳолатларнинг олдини олиш мақсадида тез орада ушбу ҳудудга кузатув камералари ўрнатилиши ва чиқинди ташлаётган шахсларга нисбатан қонунда белгиланган тартибда жарималар қўлланилиши режалаштириляпти.