Ўзбекистон Экологик партияси Китоб туман кенгаши раиси Сапарали Шукуров томонидан тумандаги 2-сонли касб-ҳунар мактабида «Табиат неъматларини асрайлик!» мавзусида тарғибот тадбири ўтказилди.

Тадбирда таъкидланишича, дунёда рўй бераётган иқлим ўзгариши, атмосферанинг ифлосланиши, чучук сув, нефть ва газ захираларининг камайиб бораётгани сингари ўнлаб экологик муаммоларнинг юзага келиши биздан табиатдан оқилона фойдаланиш ва унга етарлича муносабатда бўлишни талаб қилмоқда. Шу муносабат билан мамлакатимизда атроф муҳит муҳофазасига қаратилган саъй-ҳаракатлар бир зум ҳам тўхтамаяпти.

Ўқувчиларга атроф муҳитни муҳофаза қилиш, она табиатни асраш, ундаги неъматлардан оқилона фойдаланиш ҳар биримизнинг фуқаролик бурчимиз экани тўғрисида ҳам батафсил тушунчалар бериб ўтилди. Якунда иштирокчилар ўзларини қизиқтирган саволларга батафсил жавоблар олишди.