Якшанба
26-Октябр 2025
Аёл борки – олам мунаввар, деган каломни такрорлашни яхши кўрамиз. Чунки аёл зоти оналик меҳри билан оилани, дунёни чароғон қилишга қодир. Аммо ҳар тўкисда бир иллат, деганларидек, ҳаётда адашиб турли йўлларга кириб қолаётган хотин-қизлар ҳам учраб туради. Бироқ хато қилса ҳам, жиноят содир этса ҳам оналарни кечириш мумкин ва керак. Чунки унинг бир оғиз илиқ сўзига, иссиқ меҳрига муҳтож қалблар бор.
Шу нуқтаи назарда жамиятимизда аёлларга нисбатан доим меҳр-шафқат асосида бағрикенглик қилиб келинмоқда. Ижтимоий хавфи катта бўлмаган жиноят содир этган аёллар тегишли ташкилотлар кафиллиги асосида қамалмасдан, жазодан озод этилаётгани бунинг яққол далилидир.
Мана шундай сиёсат натижасида адашган, аммо хатосини тушуниб, қилмишига чин кўнгилдан пушаймон бўлган маҳкума аёлларга ҳам енгиллик берилмоқда. Улар жазодан муддатидан илгари озод қилиниб, оиласи, фарзандлари бағрига қайтарилмоқда.
Ўзбекистон Республикаси Олий судида жазони ижро этиш муассасаларида оғир, ўта оғир жиноятларни содир этиб, турли муддатларга озодликдан маҳрум этилган 18 маҳкума аёлнинг назорат тартибида берган шикоятлари кўриб чиқилди.
Олий суд раисининг ўринбосари Икром Муслимов раислигида бўлиб ўтган очиқ суд мажлисларида ҳар бир аёлнинг назорат тартибида берган аризаси қонун доирасида батафсил ўрганилди. Маҳкума аёллар жазонинг асосий қисмини ўтагани, қилмишидан чин кўнгилдан пушаймонлиги, жазони ўташ жараёнида ўзини ижобий жиҳатларини намоён этиб, муассаса раҳбариятининг ташаккурномасини олгани алоҳида эътиборга олинди.
– Билмасдан гиёҳвандлик савдосига аралашиб қолганим учун 2012 йилда 12 йил муддатга озодликдан маҳрум этилган эдим, – дейди кўзида ёш билан 62 ёшли самарқандлик Лола опа. – Уч нафар фарзандим бор, уларнинг яхши кунларида қатнаша олмадим. Қилган ишимдан минг бор пушаймонман. Қайтиб бу йўлга асло кирмайман. Қилмишим менга сабоқ бўлди. Мени кечирганлари учун Президентимизга, халқимизга миннатдорлигимни билдираман. Аёлнинг ўрни оилада экан, бошқа аёлларга ҳам бу каби жиноятларга аралашмасликларини тилардим.
Суд ажрими билан содир этган жинояти учун тайинланган жазонинг асосий қисмини ўтагани, қилмишига иқрор ва пушаймон бўлгани, ёши ҳамда кафолат хати инобатга олиниб, 16 аёл жазодан муддатидан олдинроқ озод қилиниб, оиласи, яқинлари бағрига қайтарилди. Икки нафарининг жазо муддати қисқартирилди.
Юртимизда Мустақиллик байрами нафаси кезаётган шу кунларда бу эзгу тадбир аёлларга бўлган эътиборнинг, халқимизга хос юксак инсонпарварлик ва бағрикенгликнинг яна бир ёрқин намунаси бўлди.
Норгул АБДУРАИМОВА
Олий Мажлис Қонунчилик палатасидаги Ўзбекистон Экологик партияси фракциясининг навбатдаги йиғилишида бир қатор қонун лойиҳалари биринчи ва иккинчи ўқишда муҳокама қилинди. Хусусан, «Суд-экспертлик фаолияти тўғрисида»ги қонун лойиҳаси фракция аъзолари томонидан биринчи ўқишда кўриб чиқилди.
Батафсил
Ўзбек адабий тили сўз бойлигининг такомиллашувида ташқи манба, яъни бошқа тиллардан кирган сўзлар сезиларли ўрин эгаллагани, унинг луғат таркибида санскрит, суғд, хитой, юнон, араб, мўғул, форс-тожик, қадимий яҳудий, рус ва рус тили орқали бошқа Европа тилларидан ўзлашган сўзлар хусусида манбалар, илмий тадқиқотлар ҳамда луғатларда кўплаб маълумотлар учрайди.
Батафсил
Куни кеча Олий Мажлис Қонунчилик палатасининг навбатдаги мажлиси бўлиб ўтди. Унда мамлакатимиз ижтимоий-иқтисодий ҳаётида муҳим аҳамиятга эга бўлган бир қатор қонун лойиҳалари кўриб чиқилиб, депутатлар томонидан қабул қилинди.
Батафсил
Олий Мажлис Қонунчилик палатасидаги Ўзбекистон Экологик партияси фракциясининг навбатдаги йиғилишида бир қатор қонун лойиҳалари биринчи ва иккинчи ўқишда муҳокама қилинди. Хусусан, «Суд-экспертлик фаолияти тўғрисида»ги қонун лойиҳаси фракция аъзолари томонидан биринчи ўқишда кўриб чиқилди.
Ўзбек адабий тили сўз бойлигининг такомиллашувида ташқи манба, яъни бошқа тиллардан кирган сўзлар сезиларли ўрин эгаллагани, унинг луғат таркибида санскрит, суғд, хитой, юнон, араб, мўғул, форс-тожик, қадимий яҳудий, рус ва рус тили орқали бошқа Европа тилларидан ўзлашган сўзлар хусусида манбалар, илмий тадқиқотлар ҳамда луғатларда кўплаб маълумотлар учрайди.
Куни кеча Олий Мажлис Қонунчилик палатасининг навбатдаги мажлиси бўлиб ўтди. Унда мамлакатимиз ижтимоий-иқтисодий ҳаётида муҳим аҳамиятга эга бўлган бир қатор қонун лойиҳалари кўриб чиқилиб, депутатлар томонидан қабул қилинди.
Ўзбекистон Президенти Шавкат Мирзиёевнинг очиқ ва прагматик ташқи сиёсати, узоқ ва яқин давлатлар билан ўзаро муносабатларни мустаҳкамлаш борасидаги ташаббуслари туфайли сўнгги йилларда қўшни, яқин ва узоқ мамлакатлар билан мутлақо янги – соғлом сиёсий ва иқтисодий алоқалар йўлга қўйилди.
Кеча Олий Мажлис Қонунчилик палатасининг навбатдаги йиғилишида халқимиз ҳаётини янада қулай ва фаровонлаштиришга қаратилган бир қатор қонун лойиҳалари кўриб чиқилди. Депутатларнинг қизғин муҳокамасидан ўтган лойиҳалар маъқулланиб, Сенатга юборилди.
