Шанба
25-Октябр 2025
12 нафар отага нима учун «ўн беш сутка» берилди?
Бугун жамият ҳаётидаги ўткир муаммолардан бири – оилавий ажрашишлар экани шубҳасиз. Хўш, бу муаммога қарши курашиш, бутунлай бартараф этиб бўлмаса-да, олдини олиш учун нима қилиш керак? Оилалар бузилишига сабаб бўлаётган энг асосий иллатни бартараф этиш, жамият таянчи ҳисобланган оилалар мустаҳкамлигини таъминлаш қандай омилларга боғлиқ? Қандай йўл тутсак, хонадонимиз тинч-тотув бўлади, фарзандларимиз кўзлари қувончдан порлайди? Бунинг учун нималарга амал қилиш лозим?
Оила тинчлиги мустаҳкам имон-эътиқод, миллий қадриятларимизга содиқлик, бир-бирини тушуниш каби хислатларга асосланади. Ота-болаларимиз борига шукр, йўғига сабр қилиб яшашган. Ҳозир кўп ёшлар борига қониқмайди. Агар рўзғорда озроқ етишмовчилик бўлиб қолса, дод-фарёд солиб ҳаётдан нолийди. Аслида ота-боболаримиз биздек фаровон, қулай, тўкин-сочин турмушга эга бўлмасалар-да, қаноат қилишган.
Яна бир жиҳатни эслатиб ўтиш лозим: баъзи ёшлар одоб-ахлоқ, имон-эътиқодга нисбатан «эскилик сарқити» деб қараб, ўзларича хорижий маданиятга тақлид қилишлари жуда ачинарлидир. Ёшларни катта ҳаётга тайёрлаб бориш керак бўлсада, афсуски, кўпчилик ота-оналар мебель, гилам ва шунга ўхшаш моддий нарсаларга бор эътиборини қаратиб, асосий вазифани: қизни турмушга тайёрлаш, йигитни ҳақиқий ватанварвар эркак, мард, жасур оила бошлиғи қилиб тарбиялашни унутиб қўймоқда. Оилалар бузилишига мана шу нарса асосий сабаб, десак хато бўлмайди.
Оила қураётган йигитга «хотиннинг ҳақи нима», «аёлга қандай муомала қилиш керак» ва шунга ўхшаш масалаларни пухта ўргатиш лозим. Акс ҳолда арзимас жанжал билан боши берк кўчага кириб қолиши мумкин.
Турмушга чиқаётган қизга эрининг ҳақ-ҳуқуқларини, турмуш ўртоғига, қайнота-қайнонасига қандай муомала қилиш, фарзанд тарбиялаш, рўзғор юритиш пухта ўргатилиши лозим. Ёшларни мол-дунёга ружу қўйишдан асраш, уларга ҳаётда юқори мақсадлар билан яшашни ўргатиш талаб этилади. Муҳими, фарзандларимизга сабрли бўлишни, қаноатни ўргатишимиз, таълим-тарбияни шу асосда ташкил этишимиз зарур бўлади.
Албатта, оилалар тинч бўлишида қайнота-қайнонанинг ўрни катта. Ёшлар бирон хатога йўл қўйишса уларни тўғри йўлга солиш биринчи галда қайнота-қайнонанинг вазифаси саналади. Афсуски нафақат буни унутиб қўйган, аксинча, фарзандлар онгини турли гап-сўзлар билан заҳарлаб, уларнинг оиласи бузилишига сабабчи бўлаётган қайноналар борлиги жуда ҳам ачинарли ҳолдир.
Ўзбекистон Республикаси Конституциясининг 64-моддасида «Ота-оналар ўз фарзандларини вояга етгунларига қадар боқиш ва тарбиялашга мажбурдирлар...» дейилган. Лекин, баъзида бурчларимизни ҳам унутиб қўймоқдамиз.
Жумладан, Мажбурий ижро бюроси Олот туман бўлимида 2019 йил беш ой давомида болаларининг моддий таъминоти учун алимент тўловларини қасддан тўламаган 12 нафар қарздорга нисбатан Олот туман маъмурий судининг қарори билан ўн беш сутка маъмурий қамоқ жазоси тайинланган. Бундан ташқари моддий ёрдамга муҳтож болалар фойдасига 157 миллион сўмдан ортиқ алимент пуллари ундириб берилди. Шунингдек, эътиборли жиҳати, 46 та оиласи бузилган фуқаролар яраштирилиб оиласи тикланишига эришилди. Олот туман мажбурий ижро бюроси давлат ижрочилари хайрли ишга қўл уриб, тумандаги 12 та моддий ёрдамга муҳтож оилага давлат ижрочилари шахсий маблағлари ҳисобидан кундалик озиқ-овқат маҳсулотлари тарқатиб берилди.
Нусрат ТАНГРИЕВ,
МИБ Бухоро вилоят Олот туман бўлими давлат ижрочиси
Олий Мажлис Қонунчилик палатасидаги Ўзбекистон Экологик партияси фракциясининг навбатдаги йиғилишида бир қатор қонун лойиҳалари биринчи ва иккинчи ўқишда муҳокама қилинди. Хусусан, «Суд-экспертлик фаолияти тўғрисида»ги қонун лойиҳаси фракция аъзолари томонидан биринчи ўқишда кўриб чиқилди.
Батафсил
Ўзбек адабий тили сўз бойлигининг такомиллашувида ташқи манба, яъни бошқа тиллардан кирган сўзлар сезиларли ўрин эгаллагани, унинг луғат таркибида санскрит, суғд, хитой, юнон, араб, мўғул, форс-тожик, қадимий яҳудий, рус ва рус тили орқали бошқа Европа тилларидан ўзлашган сўзлар хусусида манбалар, илмий тадқиқотлар ҳамда луғатларда кўплаб маълумотлар учрайди.
Батафсил
Куни кеча Олий Мажлис Қонунчилик палатасининг навбатдаги мажлиси бўлиб ўтди. Унда мамлакатимиз ижтимоий-иқтисодий ҳаётида муҳим аҳамиятга эга бўлган бир қатор қонун лойиҳалари кўриб чиқилиб, депутатлар томонидан қабул қилинди.
Батафсил
Олий Мажлис Қонунчилик палатасидаги Ўзбекистон Экологик партияси фракциясининг навбатдаги йиғилишида бир қатор қонун лойиҳалари биринчи ва иккинчи ўқишда муҳокама қилинди. Хусусан, «Суд-экспертлик фаолияти тўғрисида»ги қонун лойиҳаси фракция аъзолари томонидан биринчи ўқишда кўриб чиқилди.
Ўзбек адабий тили сўз бойлигининг такомиллашувида ташқи манба, яъни бошқа тиллардан кирган сўзлар сезиларли ўрин эгаллагани, унинг луғат таркибида санскрит, суғд, хитой, юнон, араб, мўғул, форс-тожик, қадимий яҳудий, рус ва рус тили орқали бошқа Европа тилларидан ўзлашган сўзлар хусусида манбалар, илмий тадқиқотлар ҳамда луғатларда кўплаб маълумотлар учрайди.
Куни кеча Олий Мажлис Қонунчилик палатасининг навбатдаги мажлиси бўлиб ўтди. Унда мамлакатимиз ижтимоий-иқтисодий ҳаётида муҳим аҳамиятга эга бўлган бир қатор қонун лойиҳалари кўриб чиқилиб, депутатлар томонидан қабул қилинди.
Ўзбекистон Президенти Шавкат Мирзиёевнинг очиқ ва прагматик ташқи сиёсати, узоқ ва яқин давлатлар билан ўзаро муносабатларни мустаҳкамлаш борасидаги ташаббуслари туфайли сўнгги йилларда қўшни, яқин ва узоқ мамлакатлар билан мутлақо янги – соғлом сиёсий ва иқтисодий алоқалар йўлга қўйилди.
Кеча Олий Мажлис Қонунчилик палатасининг навбатдаги йиғилишида халқимиз ҳаётини янада қулай ва фаровонлаштиришга қаратилган бир қатор қонун лойиҳалари кўриб чиқилди. Депутатларнинг қизғин муҳокамасидан ўтган лойиҳалар маъқулланиб, Сенатга юборилди.
