Сешанба
26-Май 2026
Мамлакатимиз раҳбари раислигида ўтказилган коррупцияга қарши курашиш бўйича Миллий кенгашнинг кенгайтирилган йиғилиши натижалари юзасидан барча ҳудудларда муҳокамалар ўтказиш, коррупциянинг олдини олишга доир чора-тадбирларни маҳаллий даражада кучайтириш ишлари жадал давом этмоқда.
Навоий шаҳрида коррупцияга қарши курашиш масалаларига бағишланган очиқ давра суҳбати шундай амалий ҳаракатлардан бири бўлди. У Ўзбекистон нодавлат нотижорат ташкилотлари миллий ассоциациясининг Навоий вилоят ҳудудий бўлинмаси ташаббуси билан ташкил этилиб, Ўзбекистон Экологик партиясидан сайланган Кармана туман Кенгаши депутати, вилоят ИИБ коррупцияга қарши кураш бўлими ҳамда Журналистлар уюшмаси Навоий вилоят бўлими ҳамкорлигида ўтказилди. Унда «Коррупцияга қарши курашда ОАВ, ҳуқуқни муҳофаза қилувчи органлар, давлат ва жамоат ташкилотларининг ўрни ҳамда муаммолар ечими» мавзусида фикр алмашилди.
Давра суҳбатида мутахассислар коррупция жамият тараққиётига тўсиқ бўлувчи жиддий муаммо эканини таъкидлашди. Шу боис, унга қарши курашишда фақат ҳуқуқни муҳофаза қилувчи органлар эмас, балки кенг жамоатчилик, жумладан, ОАВ, ННТлар ва ёшлар фаоллигини ошириш зарурлиги қайд этилди.
Коррупцияга қарши курашишда фуқаролик жамияти институтлари, депутатлар алоҳида фаоллик кўрсатиши, жамоатчилик билан доимий ишлаши талаб этилади. Жумладан, аҳолининг ҳуқуқий саводхонлигини ошириш, коррупция ҳақида хабар берган шахсларни рағбатлантириш тизимини такомиллаштириш ва коррупцияга оид маълумотларнинг шаффофлигини таъминлаш муҳим саналади.
Ёшлар иштирокидаги мунозараларда коррупциянинг жамият тараққиётига салбий таъсири, бу иллатга қарши курашишда ҳар бир фуқаронинг масъулияти ҳақида фикрлар билдирилди. Шунингдек, коррупциянинг олдини олиш бўйича таълим муассасаларида махсус дастурлар ишлаб чиқиш таклифи илгари сурилди.
Тадбир давомида давлат органлари, фуқаролик жамияти институтлари ва ОАВ ўртасида ҳамкорликни кучайтириш, коррупцияга нисбатан муросасиз муносабатни шакллантириш бўйича аниқ таклиф ва мулоҳазалар илгари сурилди. Коррупцияга қарши курашиш борасидаги ислоҳотларда нодавлат ташкилотлар, фуқаролик жамияти институтлари, жумладан, Ўзбекистон Экологик партияси ташкилотлари ҳамда депутатлар иштироки муҳимлиги қайд этилди.
Амонмурод
АМОНОВ,
ЎЭП Навоий шаҳар кенгаши раиси
Вазирлар Маҳкамасининг «Ўзбекистон Республикасида гидрометеорология хизмати инфратузилмасини ривожлантириш ва мониторинг қилиш тизимини такомиллаштириш, шунингдек, фуқаро авиацияси ҳаво кемалари парвозларининг хавфсизлигини метеорологик таъминлашга доир қўшимча чора-тадбирлар тўғрисида»ги қарори қабул қилинди.
Батафсил
Ўзбекистон Журналистлар уюшмаси ва бир қатор ташкилотлар ҳамкорлигида миллий ва халқаро журналистиканинг энг юксак ютуқларини кенг оммалаштириш, Янги Ўзбекистон руҳига мос янгича тафаккур тарзини шакллантириш, миллий контентни бойитиш, юртимизда инсон қадрини улуғлаш, одамларнинг онгу тафаккурини юксалтириш, жамиятимизда очиқлик ва ошкоралик муҳитини мустаҳкамлаш, оммавий ахборот воситалари ходимлари фуқаролик позицияларини намоён этишлари учун шароит яратиш ҳамда журналистларда танқидий-таҳлилий фикрлашни ва ижодий фаолиятга янгича ёндашувларни рағбатлантириш мақсадида «Олтин қалам» XX Миллий мукофоти учун халқаро танловини эълон қилади.
Батафсил
Инсон ҳаётидаги бирламчи восита сувдир. Унга инсонларнинг ҳар кун эҳтиёжи тушади. Кўл ҳам инсонларга беминнат хизмат қилади. Сув ҳар қандай нотоза нарсани тозалай олади, ҳар қандай кирни ювиб кеткиза олади. Инсонларнинг ҳам пок ва озода бўлишини таъминлаб беради. Сув инсоннинг танасини покласа, илм инсоннинг қалбини ҳар қандай чиркиндилардан тозалаб, уни поклашга хизмат қилади.
Батафсил
Вазирлар Маҳкамасининг «Ўзбекистон Республикасида гидрометеорология хизмати инфратузилмасини ривожлантириш ва мониторинг қилиш тизимини такомиллаштириш, шунингдек, фуқаро авиацияси ҳаво кемалари парвозларининг хавфсизлигини метеорологик таъминлашга доир қўшимча чора-тадбирлар тўғрисида»ги қарори қабул қилинди.
Ўзбекистон Журналистлар уюшмаси ва бир қатор ташкилотлар ҳамкорлигида миллий ва халқаро журналистиканинг энг юксак ютуқларини кенг оммалаштириш, Янги Ўзбекистон руҳига мос янгича тафаккур тарзини шакллантириш, миллий контентни бойитиш, юртимизда инсон қадрини улуғлаш, одамларнинг онгу тафаккурини юксалтириш, жамиятимизда очиқлик ва ошкоралик муҳитини мустаҳкамлаш, оммавий ахборот воситалари ходимлари фуқаролик позицияларини намоён этишлари учун шароит яратиш ҳамда журналистларда танқидий-таҳлилий фикрлашни ва ижодий фаолиятга янгича ёндашувларни рағбатлантириш мақсадида «Олтин қалам» XX Миллий мукофоти учун халқаро танловини эълон қилади.
Инсон ҳаётидаги бирламчи восита сувдир. Унга инсонларнинг ҳар кун эҳтиёжи тушади. Кўл ҳам инсонларга беминнат хизмат қилади. Сув ҳар қандай нотоза нарсани тозалай олади, ҳар қандай кирни ювиб кеткиза олади. Инсонларнинг ҳам пок ва озода бўлишини таъминлаб беради. Сув инсоннинг танасини покласа, илм инсоннинг қалбини ҳар қандай чиркиндилардан тозалаб, уни поклашга хизмат қилади.
Заҳириддин Муҳаммад Бобурнинг «Бобурнома» асари ўзбек мумтоз адабиётининг ноёб дурдоналаридан бири бўлиб, унда тарих, адабиёт, география, этнография, атроф-муҳит ва инсон руҳияти бир-бири билан чамбарчас боғлиқ ҳолда акс этган. Асарнинг энг диққатга сазовор жиҳатларидан бири – табиат ва инсон муносабатларининг чуқур, самимий ва фалсафий талқини.
Ўзбекистон Фанлар академияси Ўсимлик моддалари кимёси институти олимлари маҳаллий ўсимликларнинг сувда эрувчи полисахаридлари асосида экологик тоза ва тўлиқ биопарчаланадиган плёнкалар олишнинг янги оптимал рецептурасини ишлаб чиқди.
