Семиз ўт – семизўтдошларга мансуб бир йиллик бегона ўт. Пояси серет, ётиб, баъзан тик ҳам ўсади. Барглари майда, этли, цилиндрсимон, тўпбарг ҳосил қилади.
Гуллари сариқ, оддий ёки гултожбарглари қат-қат. Май-ноябргача гуллайди, мевалайди. Бир тупи 50-75 минггача уруғ беради. Ўрта Осиёда суғорма деҳқончилик зоналарида кўп тарқалган. Намгарчилик юқори бўлганда чириндига бой ерлардаги экинзорларда ўсади.
Фойдали хусусиятлари:
Семиз ўт озуқавий моддаларга бой. Унда А, C, Э витаминлари, фолий кислотаси ва минераллар (калий, магний, кальций) мавжуд. Шунингдек, бу ўсимлик Омега-3 ёғ кислоталарининг яхши манбаи ҳисобланади, бу ёғлар юрак ва қон томир саломатлиги учун фойдали.
Ўсимлик кучли антиоксидантларга эга, бу эса ҳужайраларни эркин радикалларнинг зараридан ҳимоя қилади ва қариш жараёнини секинлаштиради. Шу билан бирга, яллиғланишга қарши хусусиятлари ҳам бор.
Семиз ўт толага бой бўлиб, ичак фаолиятини яхшилайди ва ич қотишининг олдини олади. Халқ табобатида семиз ўт кўпинча тери касалликларини даволашда ишлатилади, масалан, куйишлар, тошмалар ва экзема.
Ундан қандай фойдаланиш мумкин?
Семиз ўтни хом ҳолда ёки салатга қўшиб истеъмол қилиш, қовуриш, шўрваларга қўшиш ёки бошқа таомларда ишлатиш мумкин. Шунингдек, унинг шарбатини ёки майдаланган баргларини тери касалликлари ёки яллиғланиш жойларига суртиш мумкин.
Табиат инъом этган бу каби ўсимликларни оёқ остида увол қилманг. Балки, уни кўпроқ етиштириш, навларини кўпайтириш, ҳовли ҳудудида сифатли етиштириш агротехникасини йўлга қўйиш фойдали бўлади.
«Олтин қалам» XX Миллий мукофоти учун халқаро танлов
🕔08:50, 23.04.2026
✔39
Ўзбекистон Журналистлар уюшмаси ва бир қатор ташкилотлар ҳамкорлигида миллий ва халқаро журналистиканинг энг юксак ютуқларини кенг оммалаштириш, Янги Ўзбекистон руҳига мос янгича тафаккур тарзини шакллантириш, миллий контентни бойитиш, юртимизда инсон қадрини улуғлаш, одамларнинг онгу тафаккурини юксалтириш, жамиятимизда очиқлик ва ошкоралик муҳитини мустаҳкамлаш, оммавий ахборот воситалари ходимлари фуқаролик позицияларини намоён этишлари учун шароит яратиш ҳамда журналистларда танқидий-таҳлилий фикрлашни ва ижодий фаолиятга янгича ёндашувларни рағбатлантириш мақсадида «Олтин қалам» XX Миллий мукофоти учун халқаро танловини эълон қилади.
Батафсил
Илдизлар омон бўлса...
🕔14:40, 12.03.2026
✔117
Инсон ҳаётидаги бирламчи восита сувдир. Унга инсонларнинг ҳар кун эҳтиёжи тушади. Кўл ҳам инсонларга беминнат хизмат қилади. Сув ҳар қандай нотоза нарсани тозалай олади, ҳар қандай кирни ювиб кеткиза олади. Инсонларнинг ҳам пок ва озода бўлишини таъминлаб беради. Сув инсоннинг танасини покласа, илм инсоннинг қалбини ҳар қандай чиркиндилардан тозалаб, уни поклашга хизмат қилади.
Батафсил
Табиат ва инсон муносабатларининг Теран ифодаси
🕔14:58, 12.02.2026
✔170
Заҳириддин Муҳаммад Бобурнинг «Бобурнома» асари ўзбек мумтоз адабиётининг ноёб дурдоналаридан бири бўлиб, унда тарих, адабиёт, география, этнография, атроф-муҳит ва инсон руҳияти бир-бири билан чамбарчас боғлиқ ҳолда акс этган. Асарнинг энг диққатга сазовор жиҳатларидан бири – табиат ва инсон муносабатларининг чуқур, самимий ва фалсафий талқини.
Батафсил
