Инсон орзу билан яшайди, меҳнат қилади, мол-мулк орттиради. Аммо уни ёнғин оқибатларидан асрашда баъзан бепарволикка йўл қўяди. Агар арзимаган бепарволикка йўл қўймаганида, эҳтимол, бошига ёнғин хатари билан боғлиқ кўргуликлар тушмасди.
Бу ўринда энг муҳими ҳар бир фуқаронинг ёнғин хавфсизлиги қоидаларини билиши ва уларга амал қилиши ҳисобланади. Бу қоидаларни етарлича билмаслик ёки эътиборсиз бўлиш аянчли фожиаларни етаклаб келади. Афсуски, ҳаётимизда бундай воқеалар содир бўлаётгани ҳақиқатдир.
Ёнғин хавфсизлиги ходимларининг неча бор огоҳлантиришлари, жаримага тортишларига қарамай, ҳамон ўз билганларидан қолмай, уйларида носоз электр, газ плиталаридан фойдаланиб келаётган кимсаларнинг борлиги ачинарли ҳолат. Вақти келиб хонадонларида ёнғин содир бўлганда эса, ёрдам сўраб югургилаб қолаётганларни кўриб, кишида ҳам таажжуб, ҳам ачиниш ҳисси пайдо бўлади. Ахир, куни кеча тинч ва осуда ҳаёт кечириб, ўз меҳнат маҳсулидан баҳра олиб юрган оиланинг уйи бир кечада кулга айланиши кимнинг хаёлига келибди дейсиз. Бунинг оқибатида мол-мулкка катта миқдорда зарар етади. Ҳатто оила аъзолари ҳаётига хавф туғилиши мумкин. Оддийгина ёнғин хавфсизлиги қоидаларига амал қилишганда бундай ҳол юз бермаслиги ҳам мумкин эди-ку.
Азиз юртдошлар! Ёнғин қоидаларига риоя қилиш билан сиз ўз уйингизни, оилангизни, ёш болаларингизни ўт балосидан сақлаган, экология ва атроф-муҳит мусаффолиги ва шаҳримиз чиройига ўз ҳиссангизни қўшган бўласиз. Сиздан талаб қилинадигани – ёнғин хавфсизлиги талабларига масъулият билан эътибор беришдир.
Ёдингизда тутинг: ёнғинни ўчиришдан кўра, унинг олдини олиш осонроқдир.
Б.САМИГОВ,
Метрополитен
ЁХТБ подполковниги
«Олтин қалам» XX Миллий мукофоти учун халқаро танлов
🕔08:50, 23.04.2026
✔39
Ўзбекистон Журналистлар уюшмаси ва бир қатор ташкилотлар ҳамкорлигида миллий ва халқаро журналистиканинг энг юксак ютуқларини кенг оммалаштириш, Янги Ўзбекистон руҳига мос янгича тафаккур тарзини шакллантириш, миллий контентни бойитиш, юртимизда инсон қадрини улуғлаш, одамларнинг онгу тафаккурини юксалтириш, жамиятимизда очиқлик ва ошкоралик муҳитини мустаҳкамлаш, оммавий ахборот воситалари ходимлари фуқаролик позицияларини намоён этишлари учун шароит яратиш ҳамда журналистларда танқидий-таҳлилий фикрлашни ва ижодий фаолиятга янгича ёндашувларни рағбатлантириш мақсадида «Олтин қалам» XX Миллий мукофоти учун халқаро танловини эълон қилади.
Батафсил
Илдизлар омон бўлса...
🕔14:40, 12.03.2026
✔117
Инсон ҳаётидаги бирламчи восита сувдир. Унга инсонларнинг ҳар кун эҳтиёжи тушади. Кўл ҳам инсонларга беминнат хизмат қилади. Сув ҳар қандай нотоза нарсани тозалай олади, ҳар қандай кирни ювиб кеткиза олади. Инсонларнинг ҳам пок ва озода бўлишини таъминлаб беради. Сув инсоннинг танасини покласа, илм инсоннинг қалбини ҳар қандай чиркиндилардан тозалаб, уни поклашга хизмат қилади.
Батафсил
Табиат ва инсон муносабатларининг Теран ифодаси
🕔14:58, 12.02.2026
✔170
Заҳириддин Муҳаммад Бобурнинг «Бобурнома» асари ўзбек мумтоз адабиётининг ноёб дурдоналаридан бири бўлиб, унда тарих, адабиёт, география, этнография, атроф-муҳит ва инсон руҳияти бир-бири билан чамбарчас боғлиқ ҳолда акс этган. Асарнинг энг диққатга сазовор жиҳатларидан бири – табиат ва инсон муносабатларининг чуқур, самимий ва фалсафий талқини.
Батафсил
