Тадқиқотчиларнинг фикрича, океанга тушган чиқиндиларнинг 70 фоизга яқини тубига чўкади. Уларнинг 60 фоизи пластик бўлиб, парчаланиши учун юзлаб йиллар керак бўлади. Океанларнинг пластик ифлосланиши тобора ўткир муаммога айланиб бормоқда.

Штутгартдаги Maks Plank номидаги Интеллектуал тизимлар институти олимлари океанларни ифлослантирувчи моддалардан тозалаш учун робот яратишди. Медузага ўхшаш модел “Медуза-Бот” деб аталди.

Робот сунъий мушаклар – моделни ҳаракатга келтирадиган электро-гидравлик актуаторлар билан жиҳозланган. Мушаклар ҳаво ёстиқчалари билан ўралган. Қобиқ сув ўтказмайдиган, бу океанда ишлаш учун зарурдир.
Электр таъсирида роботнинг мушаклари ҳақиқий медузанинг ҳаракатларига ўхшаб қисқаради ва кенгаяди. Олимларнинг тушунтиришича, медуза сузаётганда танаси атрофида оқим ҳосил қилади. Уларнинг ёрдами билан у озуқа моддаларини ушлайди. Робот эса қолдиқларни йиғиш имкониятига эга бўлади.

Тадқиқотчиларнинг фикрича, океанга тушган чиқиндиларнинг 70 фоизга яқини тубига чўкади. Уларнинг 60 фоизи пластик бўлиб, парчаланиши учун юзлаб йиллар керак бўлади. Океанларнинг пластик ифлосланиши тобора ўткир муаммога айланиб бормоқда.

“Умид қиламизки, сув ости роботлари бир кун келиб океанларимизни тозалашда ёрдам бера олади”, – деди янги ишланма муаллифлари.