Чоршанба
24-Июн 2026
Бугун ён-атрофимизда ўсимлик дунёси объектларига бўлган тажовузкор ҳаракатлар, дарахтларни ноқонуний кесиш, шикастлантириш, йўқ қилиш каби ҳолатлар ҳамон камаяётгани йўқ.
Шу боис бу каби ҳолатлар учун жавобгарликни кучайтириш, шунингдек, дарахтлар ва буталар қимматбаҳо навларини кесишга, кундаков қилишга, шикастлантиришга, йўқ қилишга олиб келадиган лойиҳа ҳужжатларини ишлаб чиққанлик учун жавобгарликни белгилаш назарда тутилмоқда.
Яъни Ўзбекистон Республикасининг Маъмурий жавобгарлик тўғрисидаги кодексига ана шундай жавобгарликни белгилашга қаратилган тегишли ўзгартишлар ва қўшимча киритилмоқда.
Олий Мажлис Қонунчилик палатасининг навбатдаги мажлисида «Ўзбекистон Республикасининг Маъмурий жавобгарлик тўғрисидаги кодексига ўзгартишлар ва қўшимча киритиш ҳақида»ги қонун лойиҳаси иккинчи ўқишда моддама-модда қизғин муҳокама этилди.
Қонун лойиҳаси билан дарахт ва буталар, бошқа ўсимликлар ва ниҳолларни қонунга хилоф равишда кесганлик, кундаков қилганлик, шикастлантирганлик ёки бошқа жойга кўчириб ўтказганлик учун жарима миқдори оширилмоқда. Хусусан, фуқароларга базавий ҳисоблаш миқдорининг 10 бараваридан 15 бараваригача (амалда 5-10 баравар), мансабдорлар учун 20 бараваригача (амалда 10-15 баравар) миқдорда жарима солиш белгиланмоқда. Агар бир йил давомида ушбу ҳолат такроран содир этилса, жарима миқдори янада ошади.
Мажлисда иштирок этган Ўзбекистон Республикаси Экология ва атроф-муҳитни муҳофаза қилиш давлат қўмитаси раиси ўринбосари қимматбаҳо дарахтларни кесишнинг олдини олиш борасида кўрилаёган чора-тадбирлар ҳақида тўхталар экан, биргина
Тошкент шаҳрида 400 та қурилиш бўлаётган жараёнларнинг 280 таси тўхтатиб турилганини таъкидлади. Яъни дарахтларга зарар етиши мумкин бўлган ҳолатларнинг барчаси жойига бориб ўрганилаётгани, айрим лойиҳалар тўхтатиб қўйилганини маълум қилди.
Амалда айрим қурилиш ташкилотлари ўз манфаатлари йўлида дарахтларни қуритишнинг турли чораларини қўллаётгани айтилди.
Мажлисда депутатлар қонун лойиҳаси юзасидан ўз муносабатини, фикр-мулоҳазаларини, айрим жиҳатлар бўйича эътирозларини билдирди. Экология ва атроф-муҳитни муҳофаза қилиш давлат қўмитаси раиси ўринбосари халқ вакилларининг савол ва эътирозларига жавоб қайтарар экан, депутатларни қонун лойиҳасининг моҳиятини тўлиқ тушунмаётганликда айблади.
Депутатлар эса бунга жавобан айрим чалкашликлар борлигини, лойиҳани тушунарли тарзда тайёрлаш кераклигини, айрим моддаларни қайта ишлаш ва маромига етказиш бўйича таклифларни билдирдилар. Депутатлар овози билан қонун лойиҳаси масъул қўмитага қайтарилди.
Муҳтарама КОМИЛОВА, ЎзА
Темир йўл транспорти соҳасида рақамлаштириш ва янги йўналишлар қурилиши борасида ижобий кўрсаткичлар кўзга ташланаётган бўлса-да, тизимнинг ички ҳолати, хизмат кўрсатиш сифати ва оддий йўловчилар учун яратилган шароитлар жиддий ислоҳотларга муҳтожлигини кўрсатмоқда.
Батафсил
Инсон саломатлиги ҳақида гап кетганда кўпинча овқатланиш, спорт ёки зарарли одатлар тилга олинади. Аммо инсоннинг ҳар куни қандай юриши, қанча ҳаракат қилиши кўп жиҳатдан унинг яшаётган шаҳри билан боғлиқ.
Батафсил
Яқинда ижтимоий тармоқларда кенг муҳокамаларга сабаб бўлган навбатдаги видео лавҳа жамоатчиликни ҳам ҳайратга солди, ҳам чуқур хавотирга қўйди.
Батафсил
Темир йўл транспорти соҳасида рақамлаштириш ва янги йўналишлар қурилиши борасида ижобий кўрсаткичлар кўзга ташланаётган бўлса-да, тизимнинг ички ҳолати, хизмат кўрсатиш сифати ва оддий йўловчилар учун яратилган шароитлар жиддий ислоҳотларга муҳтожлигини кўрсатмоқда.
Инсон саломатлиги ҳақида гап кетганда кўпинча овқатланиш, спорт ёки зарарли одатлар тилга олинади. Аммо инсоннинг ҳар куни қандай юриши, қанча ҳаракат қилиши кўп жиҳатдан унинг яшаётган шаҳри билан боғлиқ.
Яқинда ижтимоий тармоқларда кенг муҳокамаларга сабаб бўлган навбатдаги видео лавҳа жамоатчиликни ҳам ҳайратга солди, ҳам чуқур хавотирга қўйди.
Биз экология деганда, одатда, кўз билан кўриш мумкин бўлган манзараларни – мўрилардан чиқаётган қора тутунни, дарёларга оқизилаётган кимёвий оқаваларни ёки йўл четида сочилиб ётган пластик идишларни тасаввур қиламиз. Аммо бугунги кунда инсоният янги, «кўринмас», лекин хавфи тобора ортиб бораётган глобал экологик таҳдид билан юзма-юз турибди. Бу – рақамли чиқиндилар.
Ёшлар куни муносабати билан партия Марказий кенгашида ташкил этилган очиқ мулоқот ёшлар учун янги имкониятлар эшигини очди. Унда олий таълим муассасалари талабалари, ёш сиёсатчилар ва стартап ғоялари муаллифлари иштирок этиб, ўз таклиф ва ташаббуслари билан фаол қатнашдилар.
