Ўзбекистон Ахборот технологиялари ва коммуникацияларни

ривожлантириш вазирлигининг «Радиоалоқа, радиоузатиш ва телевидение маркази» давлат унитар корхонаси Россиянинг «МТС» телекоммуникацион операторининг «Universal Mobile Systems» (UMS) мобиль оператори устав капиталидаги 50,01 фоизга тенг улушини сотиб олди.

Компания сайти (ums.uz)да ёзилишича, таъсисчилар таркибидаги ўзгаришлар UMS фаолиятига, унинг узоқ муддатли ривожланиш стратегиясига ҳамда мижозларига таъсир қилмайди. Компания одатий тартибда ишламоқда: барча хизмат ва сервисларни кўрсатмоқда, янги абонентларни уламоқда, мобиль оператор мутахассислари янги маҳсулот ва тарифлар устида иш олиб боришмоқда.

UMS 2014 йил 1 декабрдан мамлакатимиз ҳудудида мобиль алоқа тармоғини жорий қилганди. 2016 йил бошидаги ҳолатга кўра, компания абонентлари сони бир миллион фойдаланувчидан ошган.