Сешанба
09-Декабр 2025
70 нафар ёш «рўйхат»дан чиқарилди. Уларнинг эндиги тақдири кимнинг қўлида?
Рустам ҳали йигирмага тўлмай, жиноят кўчасига кириб қолди. Бир-иккита одамнинг гапига кирди, йўриғига юрди. Мана, энди боши деворга текканида қилмишидан қаттиқ пушаймон. Ўзини ҳам, уни шунча йил авайлаб ўстирган ота-онаси, ака-опаларининг ҳам юзи шувут бўлди. Энди нима бўлади, жиноятчи тамғаси умрига тушов бўлиб тушмасмикан?..
Рустам каби ҳаётининг энг гуллаган пайтида адашиб, қинғир йўлга кириб қолган ёшлар, афсуски, учраб туради. Уларнинг қилмишига баъзида ғўрлик, баъзида бебошлик, баъзида эса тарбиясидаги нуқсон сабаб бўлиши мумкин. Энг ёмони, уларнинг эртанги ҳаёти нима бўлади? Давлатимиз раҳбари қилмишидан пушаймон шундай ёшларнинг тақдирини ўйлаб, уларга яна имконият беришга эътибор қаратмоқда.
Қашқадарё вилоятида ҳам вояга етмаганлар ўртасида ҳуқуқбузарликнинг олдини олиш, профилактик ҳисобда турувчи ёшларни тўғри йўлга солиш, уларни спорт ва касб-ҳунарга жалб этиш борасида салмоқли ишлар амалга оширилмоқда. Жумладан, Ўзбекистон ёшлар иттифоқи Қашқадарё вилоят кенгаши томонидан Ички ишлар бўлимларида профилактик ҳисобда турган вояга етмаганлар ва уларнинг ота-оналари иштирокида мунтазам равишда якка тартибда профилактик учрашувлар ўтказиб келинмоқда.
Яқинда Яккабоғ туманида жойлашган «Шўртан қалдирғочи» оромгоҳида ички ишлар идораларида профилактик ҳисобда турган вояга етмаганлар учун тарбия ва спорт-соғломлаштириш оромгоҳи ташкил қилинди. Унга ички ишлар идораларида профилактик ҳисобда турувчи 122 нафар вояга етмаган ёш жалб этилди. Оромгоҳда суҳбатдан ижобий ўтган ва турли лойиҳаларда фаол қатнашган, жиноятчилик кўчасига адашиб кириб қолганини англаб, чин дилдан пушаймон бўлган 70 нафар ёшга Ўзбекистон ёшлар иттифоқи вилоят кенгаши томонидан ижобий тавсияномалар берилиб, муддатидан олдин ҳисобдан чиқариладиган бўлди.
— Оромгоҳ давомида профилактик ҳисобда турган вояга етмаганлар билан якка тартибда суҳбатлар ўтказилиб, қизиқишлари бўйича Ёшлар маркази тўгаракларига йўналтирилди, — дейди Ўзбекистон ёшлар иттифоқи вилоят кенгаши бўлим мудири Маҳлиё Шукурова.
...Шундай ёшлар орасида Рустам ҳам бор. Номига тиргак қора доғдан қутулгач, у олдига катта мақсадлар қўйди. Келгуси йилда ота-онасининг юзини ёруғ қилиб, ўқишга кирмоқчи.
Юртимизда Президентимиз томонидан «яшил» энергетикани ривожлантириш, қайта тикланувчи энергия манбаларини кўпайтириш ва атмосферага чиқарилаётган зарарли ташламалар миқдорини камайтириш борасида зарур чора-тадбирлар белгилаб берилган. Уларни амалга ошириш бўйича Энергетика вазирлиги томонидан қандай ишлар амалга оширилмоқда?
Батафсил
Яқинда умуммиллий байрам – Ўқитувчи ва мураббийлар куни арафасида Ўзбекистон Экологик партиясидан халқ депутатлари вилоят Кенгаши депутати Зайниддин Салямов «Таълим ҳомийси» кўкрак нишони билан тақдирланди. Қандай хизматлари учун дейсизми? Бир сўз билан айтганда, кўплаб ўқитувчию ўқувчилар меҳрини қозониш, келажак авлод учун мудом қайғуриш орқали сазовор бўлди бу эътирофга.
Батафсил
Парламент Қонунчилик палатасининг кечаги мажлиси ҳам қизғин ва баҳс-мунозараларга бой бўлди. Депутатлар мамлакатимиз ҳаётидаги муҳим долзарб масалаларни муҳокама қилар экан, Ўзбекистон Экологик партияси фракцияси аъзолари қатъий позициясини намоён этишди.
Батафсил
Юртимизда Президентимиз томонидан «яшил» энергетикани ривожлантириш, қайта тикланувчи энергия манбаларини кўпайтириш ва атмосферага чиқарилаётган зарарли ташламалар миқдорини камайтириш борасида зарур чора-тадбирлар белгилаб берилган. Уларни амалга ошириш бўйича Энергетика вазирлиги томонидан қандай ишлар амалга оширилмоқда?
Яқинда умуммиллий байрам – Ўқитувчи ва мураббийлар куни арафасида Ўзбекистон Экологик партиясидан халқ депутатлари вилоят Кенгаши депутати Зайниддин Салямов «Таълим ҳомийси» кўкрак нишони билан тақдирланди. Қандай хизматлари учун дейсизми? Бир сўз билан айтганда, кўплаб ўқитувчию ўқувчилар меҳрини қозониш, келажак авлод учун мудом қайғуриш орқали сазовор бўлди бу эътирофга.
Парламент Қонунчилик палатасининг кечаги мажлиси ҳам қизғин ва баҳс-мунозараларга бой бўлди. Депутатлар мамлакатимиз ҳаётидаги муҳим долзарб масалаларни муҳокама қилар экан, Ўзбекистон Экологик партияси фракцияси аъзолари қатъий позициясини намоён этишди.
Ҳар қандай соҳанинг ислоҳи, ривожи ва тараққиёти етарли билим, малака ва кўникмага эга мутахассисларнинг фидокорона меҳнатлари билан амалга оширилади. Мамлакат тараққиётига хизмат қилувчи билимдон мутахассислар эса, шубҳасизки, устоз ва мураббийлар фаолиятининг самарасидир.
Ўзбекистон Экологик партияси Қашқадарё вилоят кенгаши, партия депутатлик гуруҳи ҳамда вилоят Кенгаши ҳузуридаги «Аграр, сув хўжалиги ва экология масалалари бўйича» доимий комиссияси ҳамкорлигида вилоятда «Яшил макон» умуммиллий лойиҳаси доирасида 2025 йил баҳор мавсумида экилган мевали ва манзарали дарахт кўчатларининг ҳолати бўйича жамоатчилик эшитуви ўтказилди.
