Чоршанба
24-Июн 2026
Пластик карта жорий этилгани заб иш бўлди-да. Мана, энди оддий дўконда ҳам, минимаркету супермаркетда ҳам тарозидан урса урадики, аммо ҳисоб-китобдан уролмайди. Чунки 11 минг 985 сўмлик харидингиз учун сотувчи картангиздан 12 минг сўм ечиб ололмайди.
Аммо нақд пул билан тўлайдиган бўлсангиз, 15 сўм ютқазишингиз аниқ. Сотувчида қайтим учун 15 сўм йўқ-да. Шу боис қайси бир дўконда худди садақа бергандай бир дона конфет берса, берди, бўлмаса, шу ҳам йўқ...
Олдин бор эди-ку, дейсизми? Ҳа, олдин беш сўмлик ҳам, ўн сўмлик ҳам, йигирма беш сўмлик ҳам, эллик сўмлик ҳам бор эди. Уларнинг қийматига тўғри келадиган маҳсулот бўлмагани учун муомаладан чиқиб кетди. Яқин-яқингача 100 сўмга бир қути гугурт берар эди. Ҳозир эса 120 сўм бўлди. Мажбур бўлганингиздан кейин 200 сўмга битта гугурт оласиз-да.
Лекин сотувчига бегона бўлсангиз, илтимосу илтижо қилганингиз билан 100 сўмга гугурт бермайди. Шунақа. Сиздан унга ўтса, майли. Бироқ ундан сизга ўтгудек бўлса... осмон узилиб тушади.
Яна бир нарсага ҳеч тушуниб бўлмайди. Масалан, супермаркетда бир кило олманинг баҳоси 10 минг 190 сўм бўлса, бир кило нокнинг баҳоси 9 минг 990 сўм, бир кило помидор 10 минг 890 сўм бўлса, бир кило бодринг 5 минг 790 сўм. Кўряпсизми, ҳар бир маҳсулотга 90 сўм қўшиб қўйилган. Бир кило олма учун нақд 10 минг 200 сўм тўлайсиз-у, 10 сўм қайтимини садақа қилиб кетаверасиз. Худди шундай бўлиши керакдек, сотувчи ҳам лом-мим демайди. Қизиқсиз-а, ҳар юз кишидан минг сўм тушиб тургандан кейин албатта, лом-мим демайди-да. Минг харидордан ўн минг сўм қолганда, бир ойда ғойибдан бор-йўғи 300 минг сўм келар экан. Шунга шунчами?! Ҳа энди... Лекин бу бир йилда уч миллион олти юз минг сўм бўлади-да. Ишонмайсизми? Ҳисоблаб кўринг! Демак, уч юздан бўлса, ўн ойда уч миллион. Икки ойда олти юз минг. Бунинг учун оддий бир ишчи уч ой тер тўкиши керак.
Мана энди, инсоф билан айтганда буни кўзга кўринмас юлғичлик дейиш мумкинми?! Албатта-да! Харидорни шилишнинг бундай зўр усулини ўйлаб топган кашфиётчиларни кимдир тақдирлаши керакми? Ахир, бу ўз-ўзидан бўлмаган-ку?! Қанча бош қотирган, қоғоз қоралаган. Қанчадан-қанча вақт сарфлаган. Синовдан ўтказган... Хуллас, меҳнат қилган. Меҳнат қилгандан кейин унинг роҳатини ҳам кўриши керак-да, ахир!
Истеъмолчилар манфаатини ҳимоя қилувчи ташкилотлар бундан кўз юмсалар яхши бўлмас. Тўғрими?!.
Темир йўл транспорти соҳасида рақамлаштириш ва янги йўналишлар қурилиши борасида ижобий кўрсаткичлар кўзга ташланаётган бўлса-да, тизимнинг ички ҳолати, хизмат кўрсатиш сифати ва оддий йўловчилар учун яратилган шароитлар жиддий ислоҳотларга муҳтожлигини кўрсатмоқда.
Батафсил
Инсон саломатлиги ҳақида гап кетганда кўпинча овқатланиш, спорт ёки зарарли одатлар тилга олинади. Аммо инсоннинг ҳар куни қандай юриши, қанча ҳаракат қилиши кўп жиҳатдан унинг яшаётган шаҳри билан боғлиқ.
Батафсил
Яқинда ижтимоий тармоқларда кенг муҳокамаларга сабаб бўлган навбатдаги видео лавҳа жамоатчиликни ҳам ҳайратга солди, ҳам чуқур хавотирга қўйди.
Батафсил
Темир йўл транспорти соҳасида рақамлаштириш ва янги йўналишлар қурилиши борасида ижобий кўрсаткичлар кўзга ташланаётган бўлса-да, тизимнинг ички ҳолати, хизмат кўрсатиш сифати ва оддий йўловчилар учун яратилган шароитлар жиддий ислоҳотларга муҳтожлигини кўрсатмоқда.
Инсон саломатлиги ҳақида гап кетганда кўпинча овқатланиш, спорт ёки зарарли одатлар тилга олинади. Аммо инсоннинг ҳар куни қандай юриши, қанча ҳаракат қилиши кўп жиҳатдан унинг яшаётган шаҳри билан боғлиқ.
Яқинда ижтимоий тармоқларда кенг муҳокамаларга сабаб бўлган навбатдаги видео лавҳа жамоатчиликни ҳам ҳайратга солди, ҳам чуқур хавотирга қўйди.
Биз экология деганда, одатда, кўз билан кўриш мумкин бўлган манзараларни – мўрилардан чиқаётган қора тутунни, дарёларга оқизилаётган кимёвий оқаваларни ёки йўл четида сочилиб ётган пластик идишларни тасаввур қиламиз. Аммо бугунги кунда инсоният янги, «кўринмас», лекин хавфи тобора ортиб бораётган глобал экологик таҳдид билан юзма-юз турибди. Бу – рақамли чиқиндилар.
Ёшлар куни муносабати билан партия Марказий кенгашида ташкил этилган очиқ мулоқот ёшлар учун янги имкониятлар эшигини очди. Унда олий таълим муассасалари талабалари, ёш сиёсатчилар ва стартап ғоялари муаллифлари иштирок этиб, ўз таклиф ва ташаббуслари билан фаол қатнашдилар.
